Salamo

28 Te pii noa ra vau ia oe e Iehova to ˈu Mato.+

Eiaha e tapiri i to tariˈa ia ˈu.

Ia mamû oe i mua ia ˈu,

E riro vau mai te feia e pou ra i roto i te apoo.*+

 2 A faaroo i ta ˈu mau taparuraa ia ani au ia oe i te tauturu

Ma te faateitei i to ˈu rima i nia i te piha i roto roa i to oe nao.*+

 3 Eiaha e rave ia ˈu e te feia ino atoa ra, te feia e rave ra i te mea ino,+

Te feia o te parau ra i te parau hau i to ratou taata tupu, area i roto i to ratou aau, e ino ïa.+

 4 A tahoo ia ratou i ta ratou mau raveraa,+

Ia au i ta ratou mau ohipa iino.

A tahoo ia ratou ia au i te ohipa a to ratou rima,

Ia au i ta ratou i rave.+

 5 Aita hoi ratou e tâuˈa ra i te mau raveraa a Iehova+

E te ohipa a to ˈna rima.+

 6 Ia aruehia Iehova,

Ua faaroo hoi oia i ta ˈu mau aniraa i te tauturu.

 7 O Iehova to ˈu puai+ e to ˈu paruru.+

Te tiaturi nei to ˈu aau ia ˈna.+

Ua tauturu oia ia ˈu e te oaoa nei to ˈu aau.

E arue ïa vau ia ˈna i ta ˈu himene.

 8 E puai o Iehova no to ˈna nunaa.

E pare oia, e faaora oia i ta ˈna i faatavai.+