Salamo

24 No Iehova te fenua e te mau mea atoa i nia iho,+

Te fenua ruperupe e te feia e parahi ra i nia iho.

 2 Ua haamau maitai hoi oia i te reira i nia i te mau miti+

E ua haamau papu oia i te reira i nia i te mau anavai.

 3 O vai hoi te pauma i nia i te mouˈa o Iehova?+

E o vai te tia i roto i to ˈna vahi moˈa?

 4 O te taata ïa e rima hara ore e e aau viivii ore to ˈna,+

O tei ore i horeo i te horeo haavare i to ˈu ora,*

E o tei ore i horeo ma te haavare.+

 5 E fanaˈo oia i te haamaitairaa no ǒ mai ia Iehova+

E te parau-tia no ǒ mai i to ˈna Atua faaora.+

 6 Mai tera te uˈi o te feia e imi ra ia ˈna,

O te feia e imi ra i to aro, e te Atua o Iakoba. (Sela)

 7 A faateitei i to outou upoo, e te mau uputa!+

Ia matara outou,* e te mau uputa tahito,

Ia tomo mai te Arii hanahana!+

O Iehova, tei mana e tei puai,+

O Iehova, tei puai i roto i te tamaˈi.+

 9 A faateitei i to outou upoo, e te mau uputa!+

Ia matara outou, e te mau uputa tahito,

Ia tomo mai te Arii hanahana!