Salamo

Na te aratai o te feia himene. Salamo a Davida.

20 Ia pahono atu Iehova ia oe i te mahana ahoaho.

Ia paruru te iˈoa o te Atua o Iakoba ia oe.+

2 Ia faatae atu oia i te tauturu na oe mai te vahi moˈa mai+

E ia turu oia ia oe mai Ziona mai.+

3 Ia haamanaˈo oia i ta oe mau ô atoa.

Ia farii maitai oia i ta oe tusia taauahi.* (Sela)

4 Ia farii oia i te mau hinaaro o to aau+

E ia haamanuïa oia i ta oe mau opuaraa atoa.

5 E umere matou no ta oe mau ohipa faaoraraa.+

E amo matou i to matou reva i te iˈoa o to matou Atua.+

Ia faatupu Iehova i ta oe mau aniraa atoa.

6 I teie nei, ua ite mau â vau e e faaora Iehova i ta ˈna i faatavai.+

E pahono oia ia ˈna mai to ˈna mau raˈi moˈa mai

I te mau upootiaraa* rahi a to ˈna rima atau.+

7 Te tiaturi ra vetahi i te mau pereoo e vetahi atu, i te mau puaahorofenua,+

Te tiaoro nei râ matou i te iˈoa o Iehova to matou Atua.+

8 Ua marua ratou e ua topa,

Ua tia mai râ matou i nia e ua faaetaeta-faahou-hia.+

9 E Iehova, a faaora i te arii!+

E pahono mai oia ia matou i te mahana e pii ai matou ia ˈna ia tauturu mai.+