Salamo

Salamo a Davida.

101 E himene au i te here taiva ore e te parau-tia.

E himene au i te arueraa* ia oe, e Iehova.

2 E ohipa vau ma te paari e te hapa ore.

Afea oe e haere mai ai ia ˈu ra?

E haere au ma te haavare ore o te aau+ i roto i to ˈu fare.

3 E ore au e tuu i te tahi mea faufaa ore* i mua i to ˈu mata.

Mea hae na ˈu i te mau ohipa a te feia o te fariu ê ra i te mea maitai.+

Aita roa vau e hinaaro ra e apiti atu ia ratou ra.*

4 Tei te atea ê te aau haavare ia ˈu nei.

Eita vau e farii* i te mea ino.

5 E haamamû* vau

I tei faaino i to ˈna taata tupu ma te huna.+

Eita vau e farii

I te taata e te mata teoteo e te aau faateitei.

6 Ei nia to ˈu mata i te feia haapao maitai o te fenua,

Ia parahi ratou ia ˈu ra.

Tei haere ma te hapa ore, e tavini oia ia ˈu.

7 Aita e taata haavarevare e parahi i roto i to ˈu fare,

E aita e taata haavare e tia i mua ia ˈu.*

8 E haamamû* vau i te taata ino atoa o te fenua i te mau poipoi atoa,

E iriti ê au pauroa te taata ohipa ino i roto i te oire o Iehova.+