Te piti o te buka a Samuela
1 Teie tei tupu i muri aˈe i te poheraa o Saula. Ua hoˈi mai Davida i muri iho i to ˈna taparahiraa i te ati Amaleka. A piti mahana to ˈna faaearaa i Zikelaga.+ 2 I te toru o te mahana, haere maira te hoê taata mai te puhapa mai o Saula ma te ahu mahae e te repo i nia i te upoo. Piˈo ihora oia i mua ia Davida e tipapa ihora.
3 Ui atura Davida ia ˈna: “Mai hea roa mai oe?” Pahono maira oia: “Ua horo mai au mai te puhapa mai o Iseraela.” 4 Ani atura Davida ia ˈna: “Eaha tei tupu i ǒ? A faaite mai.” Parau maira oia: “Ua horo ê te mau faehau o Iseraela i te tamaˈi e e rave rahi o ratou tei haapohehia. Ua pohe atoa o Saula e ta ˈna tamaiti o Ionatana.”+ 5 Ani atura Davida i te taurearea o tei hopoi mai i te parau apî: “Mea nafea oe i te iteraa e ua pohe o Saula e ta ˈna tamaiti o Ionatana?” 6 Pahono maira oia: “Tei nia vau i te mouˈa Gilaboa,+ e te turui noa ra Saula i nia i ta ˈna omore. Te piri roa mai ra te mau pereoo e te feia faahoro puaahorofenua ia ˈna.+ 7 I to ˈna huriraa e iteraa mai ia ˈu, pii maira oia, e parau atura vau: ‘Teie au!’ 8 Ui maira oia ia ˈu: ‘O vai oe?’ Pahono atura vau: ‘E taata ati Amaleka+ vau.’ 9 Na ô maira oia: ‘A haere mai na e a haapohe ia ˈu. E mauiui rahi hoi to ˈu. Tera râ, te ora noa ra vau.’ 10 Haere atura ïa vau e haapohe atura ia ˈna,+ ua taa hoi ia ˈu e eita o ˈna e ora mai i muri aˈe i to ˈna pepe-maitai-raa. Rave ihora vau i te hei i nia i to ˈna upoo e te tapea i nia i to ˈna rima, e hopoi maira vau i te reira i ǒ nei i to ˈu fatu ra.”
11 Hahae ihora Davida i to ˈna ahu, e na reira atoa ˈtura te mau taata atoa i pihai iho ia ˈna. 12 Oto, taˈi e haapae aˈera ratou i te maa+ e ahiahi noa ˈtu, no te mea ua haapohehia o Saula i te ˈoˈe, oia atoa ta ˈna tamaiti o Ionatana, e e rave rahi no roto mai i te nunaa o Iehova, no roto mai i te ati Iseraela.+
13 Ani atura Davida i te taurearea o tei hopoi mai i te parau apî: “Nohea mai oe?” Pahono maira oia: “E tamaiti au na te hoê taata ati Amaleka.” 14 Parau atura Davida ia ˈna: “Eaha oe i haapohe ai i te tane ta Iehova i faatavai?”+ 15 Pii atura Davida hoê o ta ˈna mau faehau e parau atura: “A haere mai e a taparahi ia ˈna.” Taparahi ihora ïa oia ia ˈna e pohe atura oia.+ 16 Parau atura Davida ia ˈna: “Tei nia to oe toto i to oe iho upoo, ua faahapa hoi oe ia oe iho ma te parau: ‘Na ˈu i haapohe i te tane ta Iehova i faatavai.’”+
17 Himene atura Davida i teie himene otoraa no nia ia Saula e ta ˈna tamaiti o Ionatana+ 18 e faaue ihora ia haapiihia i to Iuda teie himene otoraa piihia “Te fana,” o tei papaihia i roto i te buka a Iasara:+
19 “E Iseraela, ua haapohehia to oe nehenehe i nia i to oe mau vahi teitei.+
Ua hiˈa te mau aito!
20 Eiaha e faatia i te reira na Gata,+
Eiaha e faaite i te reira na te mau aroâ o Asekelona,
Aˈunei te mau tamahine a te mau Philiseti e oaoa ˈi,
Aˈunei te mau tamahine a te mau tane peritome-ore-hia e oaoa ˈi.
Eiaha ei hupe e ei ûa i nia ia outou,
Eiaha ta outou mau faaapu e horoa i te maa o te nehenehe e pûpûhia i te Atua,+
I nia hoi ia outou te paruru o te mau aito i te viiviiraahia.
Eita te paruru a Saula e parai-faahou-hia i te hinu.
22 Aita te fana a Ionatana i otohe+
I mua i te toto o te feia i taparahihia e i mua i te mii o te mau aito,
E i hoˈi noa mai na te ˈoˈe a Saula ma te manuïa.+
23 O Saula e o Ionatana,+ tei herehia e tei poiherehia i te roaraa o to raua oraraa,
Aita raua i faataa-ê-hia i roto i te pohe.+
24 E te mau tamahine a Iseraela, a taˈi no Saula,
O tei faaahu ia outou i te ahu uteute e te taoˈa faaunauna,
O tei tuu i te faaunauna auro i nia i to outou ahu.
25 Ua hiˈa te mau aito i te tamaˈi!
Ua haapohehia Ionatana i nia i te mau vahi teitei!+
Ua hau aˈe to oe here i te here o te mau vahine.+
27 Ua hiˈa te mau aito
E ua mou te mau mauhaa tamaˈi!”