Ase Hɔ Asɛm

a Ɛnsɛ sɛ yesusuw sɛ wɔn a wonyan wɔn ba “nkwa sɔre” mu, anaasɛ “atemmu sɔre” mu no ne “wɔn a wɔteɛ” ne “‘wɔn a wɔnteɛ” a Paulo kaa wɔn ho asɛm wɔ Asomafo no Nnwuma 24:15 no yɛ ade koro. Paulo reka nnipa no gyinabea bere a wɔanyan wɔn, a egyina wɔn nneyɛe ansa na wɔrewu no so ho asɛm. Ɛsɛ sɛ “wɔn a wɔteɛ” no kɔ so wɔ wɔn ade trenee no mu denam di a wobedi nea wɔakyerɛw wɔ “nhoma” no mu no so. Anyɛ saa a, wɔn owusɔre no betumi adan “atemmu” de. Ɔkwan foforo so no, sɛ “wɔn a wɔnteɛ” no bi nu wɔn ho, gye Kristo afɔrebɔ no tom na wodi nneɛma a wɔakyerɛw wɔ “nhoma” no mu no so a, wɔn owusɔre no betumi abɛyɛ “nkwa” de.