Mesia No Ne N’asuafo No Bere So

Nsɛm a ɛwɔ ɔfã yi mu no sisii bɛyɛ mfe 100 ntam. Wɔn a yɛbɛka wɔn ho asɛm no, wɔn mu bi ne Yudani babun a wɔfrɛ no Maria. Ná ɔyɛ obi a ɔbrɛ ne ho ase paa, na Onyankopɔn de adwuma kɛse bi a ɔmfaa bi nhyɛɛ onipa biara nsa da maa no. Onipa a otwa to a yɛbɛka ne ho asɛm ne ɔsomafo Yohane. Ná ɔyɛ obi a Yesu dɔ no paa. Yɛbɛsan ahwɛ nnipa anokwafo bi a wɔkyerɛe sɛ wɔwɔ akokoduru. Wɔn mu bi ne Yohane Suboni, ɔsomafo Petro, Maria Magdalene, Stefano, ne ɔsomafo Paul. Ɔhaw a wɔfaa mu no bi ne sɛ, na ɛsɛ sɛ wɔma Yudafo no hu sɛ Yesu ne Mesia no, nanso na wɔnnye no nni, enti na ɛbɛma adwuma no ayɛ den. Afei nso, na ɛsɛ sɛ wɔdi Yesu anammɔn akyi ka asɛmpa no kyerɛ obiara, na na ɛbɛma nkurɔfo atan wɔn ani paa.