Twa Bible Mu Nsɛm Ho Mfoni Wɔ W’adwenem

Nsɛm a esisii tete no, wɔakyerɛw bebree wɔ Bible no mu, na yebetumi asua nneɛma pii afi mu. Sɛ yɛkenkan saa nsɛm no na yɛpɛ sɛ yɛte ase yiye paa a, ɛsɛ sɛ yetwa ho mfoni wɔ yɛn adwenem. Nyansahyɛ a edidi so yi betumi aboa wo ma woayɛ saa:

• Kenkan ma empue w’ano. Sɛ wokenkan Bible ma epue w’ano a, ɛbɛboa wo ma woatumi atwa ho mfoni wɔ w’adwenem yiye. Sɛ wo ne w’abusua na morekenkan Bible no a, nnipa a morekan wɔn ho asɛm no, wubetumi ama abusua no muni biara afa baako akan. Moyɛ saa a, ebetumi ama moatwa ho mfoni wɔ mo adwenem yiye.

• Fa w’adwene bu nea na ɛrekɔ so. Wɔn a worekan wɔn ho asɛm no, bɔ mmɔden sɛ wubehu nea na wɔredwen ho ne sɛnea na wɔte nka. Wubetumi abisa wo ho sɛ: ‘Adɛn nti na onipa no kaa saa asɛm no, anaa adɛn nti na ɔyɛɛ nea ɔyɛe no? Me na saa asɛm no too me a, anka adwene bɛn na menya, anaa anka mɛte nka sɛn?’

• Wubetumi adrɔdrɔ. Bible mu asɛm a worekan no, sɛ wutwa ho mfoni na wodrɔ a, ebetumi aboa wo ma woakae no yiye. Sɛ mpo nea woadrɔ no nyɛ fɛ a, ebetumi aboa wo.