Sɛn Na Anuanom Mmea Betumi Atrɛw Wɔn Som Mu?

Nea anuanom mmea yɛ de boa ma Ahenni adwuma no kɔ so no, ɛsɔ ani paa. (Dw 68:11) Wɔyɛ Bible adesua bebree, na wɔn mu pii nso yɛ daa akwampaefo. Ɛno da nkyɛn a, wɔn mu pii yɛ adwuma wɔ Betel, ebi yɛ asɛmpatrɛwfo, ebi boa ma wosisi adan ahorow a yɛde som Yehowa, na ebi nso kyerɛ yɛn nhoma ase kɔ kasa ahorow mu. Anuanom mmea a wɔn ho akokwaw nso hyɛ wɔn mmusua nkuran, na wɔboa ma asafo no mu yɛ hyew. (Mme 14:1) Ɛwom, anuanom mmea ntumi nsom sɛ asafo mu mpanyimfo anaa asomfo, nanso botae pii wɔ hɔ a wobetumi de asisi wɔn ani so wɔ asafo no mu. Sɛ woyɛ onuawa a, botae bɛn saa na wubetumi de asi w’ani so?

• Bɔ mmɔden nya su ahorow a ɛbɛkyerɛ sɛ wo ho akokwaw.—1Ti 3:11; 1Pe 3:3-6

• Boa anuanom mmea a wonni suahu pii no.—Tit 2:3-5

• Yɛ asɛnka adwuma no pii na tu mpɔn wom

• Wubetumi asua kasa foforo

• Wubetumi akɔboa wɔ baabi a mmoa ho hia

• Wubetumi akɔyɛ adwuma wɔ Betel, anaa woaboa ama wɔasisi adan a yɛde som Yehowa

• Wubetumi akɔ Ahenni Asɛmpakafo Sukuu no bi

HWƐ VIDEO A YƐATO DIN “MMEA A WƆREYƐ ADWUMADEN WƆ AWURADE ADWUMA NO MU” NO. WUWIE A, BUA SAA ASƐMMISA YI:

• Sɛn na asɛm a anuanom mmea no mu biara kae no ahyɛ wo nkuran?