Sɛ “Ɔhonam Mu Nsɔe” Bi Reteetee Wo Mpo a, Wubetumi Adi Nkonim!

Nna a edi akyiri yi mu no, ɔhaw ahorow a ɛte sɛ nsɔe reteetee Onyankopɔn asomfo. (2Ti 3:1) Yɛde yɛn ho to Yehowa so a, ɔbɛboa yɛn ama yɛagyina ɔhaw ahorow a ɛtete saa mu akosi awiei. Yɛbɛyɛ no sɛn? Hwɛ video a yɛato din “Anifuraefo Ani Bebue” no, na wubehu nea Talita Alnashi ne n’awofo yɛe. Wuwie a, bua nsɛmmisa a edidi so yi:

• “Ɔhonam mu nsɔe” bɛn na ɛreteetee Talita?

• Bible bɔhyɛ bɛn na aboa Talita ne n’awofo ama wɔakɔ so anya wɔn tebea no ho adwempa?

• Bere a wɔyɛɛ Talita oprehyɛn akyi pɛɛ no, dɛn na n’awofo yɛ de kyerɛe sɛ wɔde wɔn ho ato Yehowa so?

• Ɔkwan bɛn so na Talita awofo de nnwinnade a asafo no ayɛ adi dwuma de adua Onyankopɔn ho dɔ wɔ Talita komam?

• Ɛmfa ho sɛ “ɔhonam mu nsɔe” reteetee Talita no, nneɛma bɛn na ɔyɛ de kyerɛ sɛ ɔrenya honhom fam nkɔso?

• Nea Talita refa mu no, sɛn na ahyɛ wo den?