Nkaebɔ Ahorow

◼ Nhoma a yɛde bɛma December: New World Translation ne The Bible—God’s Word or Man’s? January: Nhoma biara a ekura nkratafa 192 a wotintimii ansa na 1985 reba a ebia mo asafo no wɔ. Asafo ahorow a wonni saa nhoma no bi betumi de Wubetumi Atra Ase Daa wɔ Paradise wɔ Asase So ama. February: Adiyisɛm—N’awiei Koraa Abɛn! March: Nimdeɛ a Ɛde Kɔ Daa Nkwa Mu. Fa w’adwene si ofie Bible adesua ahorow a wubefi ase so.

◼ Yɛrekae asafo ahorow a wonnya nkraa 1998 Calendar of Jehovah’s Witnesses, Kyerɛwnsɛm no Mu a Wobɛhwehwɛ Daa 1998, ne 1997 Engiresi Ɔwɛn-Aban ne Nyan! nhoma apo no sɛ wɔnyɛ saa. Saa nhoma ahorow yi yɛ Controlled Stock nneɛma, na ɛsɛ sɛ wobisa ansa na moakra.

◼ Monhwɛ nhu sɛ mode afe asɛm foforo no bɛbɔ mo Ahenni Asa so ntɛm ara wɔ January 1. Wɔ asafo ahorow a wɔnka Engiresi kasa no fam no, ɛsɛ sɛ afe asɛm no ne nea ɛwɔ Yɛn Ahenni Som mu no hyia. Afe asɛm no ne: “Obiara a ɔbɔ Yehowa din no benya nkwa.”—Romafo 10:13, NW.

◼ Yɛremmue Betel Memeneda, January 31, 1998. Yɛsrɛ sɛ momma hɔ.

◼ Bere a ɛsɛ sɛ wɔhyehyɛ “Medical Directive Card” ne “Identity Card” foforo no bɛso January 1. Ɛsɛ sɛ adawurubɔfo a wɔabɔ wɔn asu nyinaa hwɛ hu sɛ wɔahyehyɛ “Medical Directive Card” foforo ama wɔn ho ne “Identity Card” no foforo ama mmofra nkumaa biara a wɔwɔ.

◼ Ɛsɛ sɛ ɔhwɛfo guamtrani anaa obi a wapaw no hwehwɛ asafo no sikasɛm mu wɔ December 1 anaasɛ ɛno akyi bere tiaa bi. Sɛ wɔyɛ eyi wie a, mommɔ asafo no amanneɛ.

◼ Wobedi 1999 Nkaedi no Yawda, April 1, bere a owia akɔtɔ. Esiane sɛ afahyɛ no ho hia nti, sɛ mpanyimfo kuw no repaw nea ɔbɛma Nkaedi kasa no a, ɛsɛ sɛ wɔpaw mpanyimfo a wɔn ho akokwaw kɛse no mu biako sen sɛ wɔbɛyɛ no nnidiso nnidiso anaasɛ wɔbɛma onua koro pɛ ama no afe biara.