“Akyɛde Nwonwaso a Efi Yehowa Hɔ”

MAY 1, 1996 Ɔwɛn-Aban no kaa afã biara a Kristofo nni ne sɛnea yɛbɛkari pɛ wɔ yɛn asɛyɛde ahorow a yɛwɔ wɔ Yehowa ne “Kaesare” anim no ho asɛm kɔɔ akyiri. (Mateo 22:21) Yɛate nsɛm a wɔaka de akyerɛ nimdeɛ foforo a wɔada no adi no ho anisɔ no. Emu bi ne krataa a edi hɔ yi a Ɔdansefo bi a ɔwɔ Greece kyerɛw kɔmaa Yehowa Adansefo Sodikuw no:

“Mepɛ sɛ meda anisɔ kɛse a mewɔ ma mo anuanom adɔfo no nyinaa sɛ mohwɛ yɛn yiye wɔ honhom fam saa. Bere a matwa bɛyɛ mfe akron wɔ afiase esiane me Kristofo gyidi nti no, m’ani sɔ adwene a ɛyɛ nwonwa a ɛwɔ May 1, 1996, Ɔwɛn-Aban, mu no nokware mu. (Yesaia 2:4) Ná eyi yɛ akyɛde nwonwaso a efi Yehowa hɔ.—Yakobo 1:17.

“Bere a merekenkan saa nsɛm yi no, mekaee asɛm bi a ɛwɔ Ɔwɛn-Aban (August 1, 1994, kratafa 14) no mu no: ‘Ɛda adi pefee sɛ afoforo a wonya wɔn ho ntease yɛ su a ɛsom bo, nea ɛka yɛn ma yɛdɔ Yehowa kɛse.’ Yiw, anuanom, meda Yehowa ase sɛ meyɛ n’ahyehyɛde a ayamye ne ɔdɔ wom, a ɛda ne nyansa adi pefee no muni.—Yakobo 3:17.

“Yɛagye hann a ɛhyerɛn kɛse a ɛwɔ May 1 Ɔwɛn-Aban no mu no atom yiye wɔ Greece ha, titiriw wɔn a wɔdaa afiase mfe pii anaa wɔda so ara da afiase esiane wɔn gyidi nti no. Meda mo ase bio. Yehowa mfa ne honhom nhyɛ mo den ma monkɔ so mma yɛn honhom fam aduan a mfaso wɔ so wɔ amanehunu mmere yi mu.”