Bɔs no Tu Gyaw No

DA KORO James huu ne babea Rebecca sɛ ɔnam brɛoo rekɔ akohyia sukuu bɔs no. Ɛwom sɛ na Rebecca tumi hu sɛ bɔs no reba de, nanso ɔkɔɔ so nantew brɛoo na ɔhyɛɛ da maa bɔs no tu gyaw no.

Saa da no ara anwummere James ne ne yere Veronica susuw asɛm no ho denam tĩ a wɔsan tĩĩ asɛm a ɛne “Yona ne Apataa Kɛse No” a ɛwɔ Me Nhoma a Ɛka Bible Mu Nsɛm mu no mu no so. Na ɛyɛ nea Rebecca ani gye ho kɛse no mu biako. Bere a wokenkan asɛm no wiei no, awofo no de wɔn babea no haw no toaa mu.

Ɔtee asɛm no ase ankasa na ɔkae sɛ: “Ɛwom sɛ Yona guanee na ɔtɔɔ ɔhaw mu wɔ po no so, na apataa no menee no na ɔfee no de​—nanso na adwuma a ɔbɛyɛ ama Yehowa no da so ara retwɛn no sɛ ɔbɛyɛ.”

Ade kyee no, Rebecca de su foforo na ɛkɔɔ sukuu a Me Nhoma a Ɛka Bible Mu Nsɛm hyɛ ne mmɔtoam.

Wubetumi anya nhoma a emu mfonini yɛ fɛ, ne nkyerɛwee yɛ akɛse na ekura nkratafa 256 no biako denam kratasin a ɛka ho yi a wobɛhyehyɛ na wode amana no so.

Mesrɛ mo, momfa Me Nhoma a Ɛka Bible Mu Nsɛm a akyi yɛ den no biako mmana me. Mede ₵380.00 ahyem de retua ka.