“Odi N’asɔre Nokware”

Bere a aban dwumadibea ahorow aboa Ɔwɛn Aban Asafo no ɔdansi adwuma no wɔ Nigeria kɛse no, atesɛm nkrataa ne nyamesom akannifo bi abɔ mmɔden sɛ wɔbɛma wɔahaw Yehowa Adansefo wɔ wɔn ho a wɔmfa nhyehyɛe amammuisɛm mu no ho. Nanso atesɛm nkrataa afoforo nsɛnkyerɛwfo akamfo wɔn. Ɔkyerɛwfo biako a ɔyɛ mmaranimfo bisae sɛ ebia Yehowa Adansefo “da wɔn ho adi sɛ wonni ɔman ho dɔ ampa.” Bere a n’ankasa rema mmuae no, ɔkae sɛ: “Adansefo no yɛ ɔmanfo a wotua wɔn tow na wodi mmara so. Ɔdansefo biara . . . a obetumi adi n’asɔre nokware akodu baabi a osetie a ɔbɛyɛ no bɛma wahwere hokwan ahorow bi no bedi nokware saa ara wɔ nneɛma afoforo pii nso mu . . . Nea enti a ɔmpene so sɛ obewia aban sika bere a ne mfɛfo. . . tow ɔman dwom no nanso wodi sika no fi ka a ne Bible a ɛka kyerɛ no sɛ ɔnntow ɔman dwom no ka nso sɛ ɛnsɛ sɛ owia ade no.”