“Me Kwankyerɛfo Ne Me Fotufo”

Your Youth​—Getting the Best out of It nhoma no ayɛ saa ama aberante bi a ofi Senegal, West Africa. Ɔkyerɛkyerɛ mu sɛ: “Sɛ́ Kramoni no, m’ani gyee ɔkwan a mofa so hwehwɛ mmerante ne mmabaa ɔhaw ahorow mu no ho. Mo ne wɔn di wɔ nyansam. Me fam de, mo nhoma no sen nhoma ara kwa​—ɛyɛ me kwankyerɛfo ne me fotufo, na ɛbɛyɛ saa bere nyinaa.

“Sɛ́ obi a mebɛyɛɛ ayisaa fi bere a midii mfe dubiako no, me ne me nanabea na ɛtrae kosii sɛ midii mfe dunkron. Mprempren madi mfe aduonu. Sɛ m’abrabɔ nya nkɛntɛnso pa wɔ nnipa a atwa me bo ahyia no so a na efi Youth nhoma no. Merentumi nkan mpɛn dodow a makenkan asan akenkan bio no. Mete nka sɛ biribiara a moka ho asɛm no yɛ nea ɛfa me ho titiriw. Me ne me nnamfo nyinaa nso akenkan mo nhoma no. Wɔn nso ka sɛ ɛyɛ nimdeɛ ademude a ɛso bi nni.”

Nea ɛka nhoma yi atiri 24 no ho ne: “Wubu Nteɛso Dɛn?” “So Ɛsɛ sɛ Wonom Nsa a Ano Yɛ Den?” “Nnwom ne Asaw Ko a Wopaw,” “So Ɔbarima ne Ɔbea Nna Mu Abrabɔ Pa Yɛ Nea Nyansa Wom?” ne “Nhyehyɛe a Wɔyɛ Pue ne Nantew a Edi Aware Anim.” Wo nsa betumi aka mmoa fɛfɛ a ɛma asetra yɛ yiye yi bi denam kratasin a ɛwɔ ase ha no a wobɛhyehyɛ de ₵40 aka ho amana no so.

Mesrɛ mo, momfa Your Youth-Getting the Best out of It nhoma no biako mmana me.