Nsɛm A Ɛhaw Adwene Ho Mmuae Horow A Ɛho Wɔ Mfaso

Eyi ne nea Ɔwɛn-Aban nsɛmma nhoma no de ma. Nea edi so yi yɛ anisɔ nkrataa ahorow a nsa ka no mu biako!

“Mifi koma nyinaa mu da mo ase wɔ Ɔwɛn-Aban a ɛka ɔbarima ne ɔbea ntam abrabɔ pa ho asɛm no ho. Mete nka sɛ ɛyɛ me mpaebɔ ho mmuae. M’ani sɔ ɔkwan tẽe a mofa so di nsɛm a emu yɛ den a yɛn nyinaa hu sɛ atwa yɛn ho nyinaa ahyia no.

“Bere a m’ankasa mahu sɛ wiase yi nni biribi pa biara a ɛde ma no, me nsa ayɛ den wɔ me mma so. Ɛnyɛ boa nko na saa nsɛmma nhoma a ɛfa abrabɔ pa ho no ama wɔahu asiane a ɛwɔ nneyɛe ahorow bi mu, na mmom aboa me nso efisɛ ama me nkate wɔ nneɛma bi ho no mu ayɛ den. Meda mo ase sɛ mutintim eyinom ma yɛn a yɛyɛ awofo sɛnea ɛbɛyɛ na yɛn mma ahu sɛ ɛnyɛ atirimɔden na wɔn agyanom ne wɔn nanom yɛ.

“Enti meda mo ase sɛ moama asɛm no mu ada hɔ. Yɛn a yɛyɛ awofo no ani begye nsɛm a ɛtete sɛɛ pii ho.”

Ɔwɛn-Aban no ka nnɛyi nsɛm a ɛhaw adwene ho asɛm​—asanom bebrebe, awaregu, mogyafra a wodi, kasafĩ, ne ade​—na ɛkyerɛ sɛnea Bible betumi aboa ma yɛadi saa nneɛma yi so. Mma nea edidi so no mpa wo ti so!

Mesrɛ mo, momfa Ɔwɛn-Aban nsɛmma nhoma no bi mmana me afe biako. Mede ¢60 ahyɛ mu de retua ka.