So Wokae?

So w’ani agye Ɔwɛn-Aban nsɛmma nhoma kakra a aba nnansa yi no akenkan ho? Ɛnde ebia wokae nsɛm a ɛyɛ anigye a, wɔkyerɛkyerɛɛ mu yi binom:

◼ Dɛn na ɛboa wɔ wo honhom so a wubedi mu?

Nea edi kan no, pɛɛpɛɛ wo ho mu hwɛ sɛ ebia wowɔ adwene bi anaa mmerɛwyɛ pɔtee bi a na wunnim. Sɛ onipa foforo ho asɛm wɔ mu a, bɔ mmɔden sɛ wubehu no sɛnea Onyankopɔn hu no no. So wugyina su biako anaa abien a “ɛhaw adwene” so rebu no atɛn anaa? (Fil. 4:8) Afei nso, bɔ mmɔden sɛ wubesusuw sɛnea onipa foforo no nso te nka no ho. Eyi bɛbrɛ wo honhom ase na ebia ɛbɛboa wo ma woakwati atɛn a wodi kan bu ho sɔhwɛ no. (Mmeb. 18:13)​—2/1/81, nkr. 4-6.

◼ Dɛn nti na sigaretnom yɛ bɔne?

“Bɔne ne mmarato.” (1 Yoh. 3:4) Onyankopɔn mmara horow no biako ne sɛ: “Dɔ wo yɔnko sɛ wo ho.” (Yak. 2:8) Sigaretnom haw afoforo, na ebetumi apira wɔn ɔhonam fam mpo. Ade a wɔfrɛ no nicotine a ɛwɔ tawa mu no di dwuma te sɛ aduro a ɛsɛe anisɔ a ɛsɛ sɛ onii nya ma Ɔbɔadeɛ no ne N’atirimpɔw ahorow no. Ɔbɛyɛ akoa ma suban a ɛho ntew. (Fa toto Romafo 6:6; 2 Korintofo 7:1 ho.) Sigaretnom yɛ bɔne.​—8/1/81, nkr. 4-7.