Onyankopɔn Asɛm Nya Mmamu Ɔkwan Biara So

Yehowa Nyankopɔn ka kyerɛɛ Abraham sɛ: “Na Ismael ho de, matie wo. Hwɛ, mehyira no, na mama wawo, na wadɔɔso pii pa. Atitiriw dumien na ɔbɛwo, na mayɛ no ɔman kɛse.” (Gen. 17:20) Saa bere no na Abraham ba Ismael adi mfe 13. (Gen. 16:16, 17:1) Na onipa biara rentumi nni kan nka sɛ abofra a ɔnwaree yi bɛwo atitiriw 12. Nanso Ɔbɔadeɛ a ɔyɛ nyansa nyinaa wura no tumi yɛɛ saa. Abakɔsɛm kyerɛwtohɔ ahorow abien kyerɛ sɛnea asɛm yi baa mu, na wɔbobɔ atitiriw 12 yi din: Nebaiot, Kedar, Adbeel, Mibsam, Misma, Duma, Masa, Hadad, Tema, Yetur, Nafis ne Kedma. (Gen. 25:13-15; 1 Be. 1:29-31) Hwɛ sɛnea eyi si sɛnea Onyankopɔn nkɔmhyɛ asɛm nya mmamu so dua!