“Nsɛmma Nhoma a Edi Mũ”

So woakenkan Nyan! nsɛmma nhoma no pɛn? Wubu nea ekura wo yi dɛn? So wuhu sɛ aba wɔ emu nsɛm no mu, wɔyɛɛ ho nhwehwɛmu yiye, na wɔaka nsɛm no wɔ ɔkwan a ɛyɛ anigye so?

Ɔsɛnkyerɛwfo bi a ofi Nigeria, Afrika, kyerɛwee sɛ: “Mekenkan Nyan! daa, ɛwom sɛ menyɛ Yehowa Dansefo de. Nyan! yɛ nsɛmma nhoma a edi mũ. Ɛma minya nneɛma pii ho nsɛm. Ne nnuraho yɛ fɛ, na ɛma ɔkenkanfo a onni adwemmɔne kɔn dɔ kɛse sɛ obebue mu. Nea ɛba biara da adwini ho nyansa soronko adi; kratafa biara mu nsɛm di mũ. Nea ɛba biara mu nsɛm yɛ ne bere mu de a wɔakyerɛw no yiye, na emu nsɛm dɛ som bo na enni ano.”

Yɛhyɛ wo nkuran sɛ hwehwɛ saa Nyan! yi mu nsɛm mu. Sɛ wopɛ sɛ wo nsa ka foforo a, yɛsrɛ sɛ kyerɛw krataa kobisa Watch Tower, P. O. Box 760, Accra, Ghana, anaa address a wɔahyehyɛ wɔ kratafa 5 no mu nea ɛfata. Yɛn ani begye sɛ yɛde foforo bɛbrɛ wo, anaa, sɛ wubisa a, yɛbɛma obi aba wo fie ne wo abesusuw sɛnea ɛbere a yɛte mu yi ho hia ho.