Ɛboaa Wɔn Ma Wogyaee Ntɔkwako

Abarimaa bi a wadi mfe 11 a ofi California, U.S.A., no kyerɛw Yehowa Adansefo a wɔwɔ Brooklyn, New York, no sɛ:

“M’ani gye mo nhoma ahorow no ho, titiriw Nea Ɛde Abusua Mu Anigye Ba no. Ansa na yɛn nsa reka saa nhoma no, na me ne me nuabea ntumi nnyae ntɔkwako. Da bi yɛyɛɛ sɛ yebesua saa nhoma no, na yebehui sɛ ɛnyɛ nea Onyankopɔn pɛ sɛ yɛyɛ na na yɛreyɛ no.

“Saa nhoma yi boaa yɛn yiye. M’ani sɔ, na mehyɛ mmusua foforo nkuran sɛ wɔnkenkan saa nhoma yi efisɛ ɛsom bo. Ɛreboa nso ma asomdwoe ne anigye aba yɛn abusua no mu.”

Nea Ɛde Abusua Mu Anigye Ba yɛ nhoma a ekura nkratafa 192 a ɛka nsɛmpɔw a mfaso wɔ so te sɛ “Bɔ W’abusua Ho Ban Wɔ Nkɛntɛnso Bɔne Ho,” “Ma Asomdwoe Ntra W’abusua Mu,” ne “Wubetumi Adi Ɔhaw Ahorow a Ɛsɛe Abusua no So,” ho nsɛm. So wopɛ sɛ wokenkan nsɛmti a ɛtete saa ho nsɛm?

Sɛ wopɛ sɛ obi ne wo yɛ ofie Bible adesua a wuntua hwee a, kyerɛw, Watch Tower, Box 760, Accra, Ghana, anaa address a wɔahyehyɛ wɔ kratafa 5 no mu nea ɛfata.