‘Ebuaa Nsemmisa Nyinaa’

Ɔreka nsɛm a ɛbae a n’asɛmti ne ‘Bratwa Ho Ntease Pa’ wɔ March 8, 1995, Nyan! mu asɛm no, ɔkenkanfo bi a ofi Kentucky, U.S.A., kyerɛwee sɛ: “Ɛnkyɛe biara na mekɔɔ asɛm no ho nhyiam bi nnɔnhwerew abiɛsa. Ayaresabea akɛse abien bi asoɛe a ɛhwɛ adesua so na ɛhyehyɛe. Na dwumadi no ma nimdeɛ kɛse nanso mede simma 30 suaa pii fii Nyan! a mekenkanee no mu (na ɛho ka annu $15), sen nea misuaa no nnɔnhwerew abiɛsa wɔ nhyiam no ase.”

Nyan! kenkanfo foforo nso kae sɛ: “Makenkan nhoma ne nsɛm ahorow pii afa bratwa ho mfe abiɛsa a atwam yi. Bere nyinaa sɛ miwie a, minnya me nsɛmmisa ho mmuae. Mo nsɛm no buaa me nsɛmmisa a ɛfa asɛm yi ho nyinaa.”

Nyan! de nsɛm a ɛboa n’akenkanfo ma wogyina nnɛyi nsɛnnennen ano ma. Nea ɛsen saa no, ɛma wonya Ɔbɔadeɛ no bɔhyɛ a ɛfa wiase foforo a asomdwoe wom no ho awerɛhyem. Sɛ wobɛpɛ sɛ wusua pii fa Yehowa Adansefo a wotintim saa nsɛmma nhoma yi gyidi ne wɔn dwumadi ho a, yɛsrɛ wo, kɔhwehwɛ wɔn wɔ wɔn Ahenni Asa so anaa kyerɛw kɔ address a ɛbɛn wo sen biara a ɛwɔ kratafa 5 no.