“Mantumi Ankora Me Nusu So”

“Asram kakraa bi ni na mekenkanee Bere a Obi a Wodɔ No Awu nhomawa no wiei, na mantumi ankora me nusu so.” Dɛn nti na saa nhomawa yi kaa Alicia, Mexiconi bea, no saa? Obua sɛ: “Emu nkyerɛkyerɛmu ne osuahu ahorow no da nkate a minyae bere a me papa wui mfe akron a atwam ni ne bere a mepɔn yafunu asram 18 a atwam ni no adi.”

Dɛn titiriw na ɛboaa no wɔ ne yawdi no mu? Adaka a n’asɛmti ne “Yafunu a Wɔpɔn ne Mmofra a Wowu Ansa na Wɔawo Wɔn—Mmaatan Di Awerɛhow” ne afã horow yi, “Mɛyɛ Dɛn Agyina M’awerɛhow no Ano?” ne “Afoforo Bɛyɛ Dɛn Aboa?”

Alicia kyerɛwee nso sɛ: “Ná Lasaro wusɔre no ho kyerɛwtohɔ no ka koma, na ɛsan hyɛ owusɔre ho gyidi a mewɔ no mu den wɔ ɔkwan a etu mpɔn so.”—Yohane 5:28, 29.

Sɛ wopɛ sɛ wo nsa ka saa nhomawa yi a ekura nkratafa 32 a ɛhyɛ nkuran yi bi a, yɛsrɛ wo kyerɛw Yehowa Adansefo fa Watch Tower, Box 760, Accra, Ghana, anaa address a wɔahyehyɛ wɔ kratafa 5 no mu nea ɛfata so.