“Nimdeɛ Mmoroso Bɛn Ara Ni!”

ASƐMFUA “plethora,” a efi tete Latin ne Hela mu no kyerɛ “mmoroso, nea abu so.” Ɔwɛn-Aban ne Nyan! nsɛmma nhoma no kenkanfo bi a ɔwɔ Sierra Leone, Afrika Atɔe Fam no na ɔkyerɛw nsɛm a ɛwɔ atifi hɔ no faa saa nsɛmma nhoma yi apo a ɛbom a ɛba afe afe a Ɔwɛn Aban Asafo no tintim no ho. Ɔtoaa so sɛ: “Nyansa aboɔden bo bɛn ara ni! Ɛyɛ den sɛ minhu asɛm a m’ani gye ho wɔ apo yi biako mu baabi. Mpɛn pii no, nkurɔfo di mfomso ka sɛ mawie sukuupɔn, na sɛ meka sɛ minwuraa sukuupɔn dan biara mu da a, wɔn ho dwiriw wɔn. Nanso meka sɛ: ‘Dabi, nea ɛte ara ne sɛ meyɛ obi a metaa kenkan Ɔwɛn-Aban ne Nyan! nsɛmma nhoma no kɛse.’”

Saa nsɛmma nhoma yi ba afe biara wɔ po a ɛbom mu. Nanso, wobetumi de nsɛmma nhoma no bi amana wo. Sɛ w’ani gye ho a, yɛsrɛ wo hu Yehowa Adansefo a wɔwɔ wo mpɔtam hɔ anaa fa address a ɛwɔ kratafa 5 no mu nea ɛbɛn wo kyerɛw Ɔwɛn Aban Asafo no.