Ademude a Ɛda Ofie Nwura Mu

Ɛno na obi a ɔte Hungary tee nka sɛ wahu. Ɔkyerɛw Yehowa Adansefo, na ɔkyerɛkyerɛɛ mu sɛ:

“Mepɛ sɛ mibisa mo ahyehyɛde no hɔ ade bi. Mepɛ sɛ mekra Ɔwɛn-Aban Ɛka Yehowa Ahenni Kyerɛ ne nhoma Wubetumi Atra Ase Daa wɔ Paradise wɔ Asase So fi mo hɔ.

“Momma menkyerɛkyerɛ nea enti a merebisa mo hɔ ade no mu. Wɔ me kurom no, mede lɔre sesa nwura, na ɛno mu na mihuu nsɛmma nhoma no. Mepopaa ho de kɔɔ fie. Me ne m’abusua suae wɔ fie. Yɛbɛpɛ sɛ yɛma yɛn nimdeɛ kakra a yɛwɔ no nya nkɔso. Enti, yɛhwehwɛ mo ntease ne mo mmoa.”

Yehowa Adansefo ani gye ho sɛ wɔbɛyɛ adebisa a ɛtete sɛɛ a wɔde hwehwɛ Bible ho nhoma ne mmoa a ɛbɛma obi anya Bible no mu nimdeɛ a ɛfata no ho ade. Enti, sɛ wopɛ sɛ wo nsa ka Ɔwɛn-Aban no biako anaasɛ obi ba wo fie ne wo besusuw anidaso a egyina Bible no so a ɛwɔ nhoma Wubetumi Atra Ase Daa wɔ Paradise wɔ Asase So no mu ho a, yɛsrɛ wo kyerɛw Watch Tower Society, P. O. Box 760, Accra, anaa address a wɔahyehyɛ wɔ kratafa 5 no mu nea ɛfata.