‘Ɛyɛ Awerɛkyekye Sɛ Wubehu Sɛ Obi Dwen Wo Ho’

Ɛte sɛ nea hwee nhaw nnipa binom, nanso wɔahaw kɛse. Dɛn na ebetumi aboa wɔn? Nea ɛho hia ne sɛ wobedwen wɔn ho na wɔate wɔn ase. Afe a etwaam no, obi a ɔte saa kyerɛw Ɔwɛn Aban Asafo no wɔ Brooklyn, New York sɛ:

“Nea meyɛe ara ne sɛ mekenkan Awerɛkyekye ma Wɔn a Wɔahaw kratawa no. Biribi a atoto wɔ me nipadua mu nti, minya adwenemhaw wɔ bere ne bere mu. Kratawa no ma awerɛkyekye kɛse.

“Ɛyɛ awerɛkyekye sɛ wubehu sɛ adwenemhaw ho anidaso bi wɔ hɔ na akwan a wobetumi afa so agyina ano wɔ hɔ. Ɛyɛ awerɛkyekye nso sɛ wubehu sɛ obi dwen nnipa a wɔwɔ adwenemhaw te sɛ me ho, na wɔte yɛn ase.”

Kratawa yi ka nsɛm pii wɔ ɔkwan tiawa so. Sɛ wɔpɛ sɛ wo nsa ka bi anaa wunya nsɛm afoforo a, yɛsrɛ wo kyerɛw Watch Tower Society, P. O. Box 760, Accra, anaasɛ address a ɛwɔ kratafa 5 no mu nea ɛfata.

[Mfonini wɔ kratafa 32]

Conforto per chi è depresso