Bra, Betie Baguam Ɔkasa Yi A Wuntua Hwee:

“DI WIASE HANN NO AKYI”

Adesamma hia hann na wɔde ahyerɛn wɔn kwan mu sɛnea akyinnye biara nni ho sɛ kar hia akanea akɛse wɔ bepɔw so kwan bi a akyinkyim so wɔ anadwo sum bi mu no. Wobetumi de honhom fam hann atoto kanea akɛse a ɛkyɛn so, a ɛhyerɛn ɔkwan mu na ama nnipa ahu nea wɔrekɔ pɔtee no ho. Dɛn ne saa honhom mu hann no fibea? Na hena na ɔreda no adi nnɛ?

Eyinom yɛ nsemmisa a wɔbɛma ho mmuae wɔ baguam ɔkasa a wɔbɛma wɔ Yehowa Adansefo “Hann Kurafo” Ɔmantam Nhyiam pii a wɔbɛyɛ wɔ wiase nyinaa ahohuru bere ne afe yi awiei mu no ase. Wɔde anigye to nsa frɛ wo sɛ kɔ bi.

Wɔbɛka asetra mu nsɛm a mfaso wɔ so ho asɛm na wɔayɛ Bible mu drama wɔ nhyiam dwumadi no mu. Kobisa wɔ Yehowa Adansefo Ahenni Asa a ɛwɔ wo mpɔtam hɔ no so na wɔnkyerɛ wo faako ne bere a wɔbɛyɛ nhyiam a ɛbɛn wo fie sen biara no, anaasɛ kyerɛw kobisa wɔn a wɔyɛɛ saa nsɛmma nhoma yi.