“Minhuu Ahyehyɛde A Ɛte Saa Da”

“Mahwehwɛ nyamesom ne akuw ahorow mu,” saa na Mexiconi bi kyerɛwee. “Nanso minhuu ahyehyɛde a ɛte saa da.” Na afei na ɔbarima no akenkan Yehowa Adansefo—Wɔde Biakoyɛ Reyɛ Onyankopɔn Apɛde wɔ Wiase Nyinaa, brochure no awie. Ɔkyerɛkyerɛɛ mu sɛ: “Nea ɛyɛ me anigye kɛse ne sɛnea mode nsi redi ahyɛde a ese monka Ahenni no ho asɛmpa no wɔ afie afie, adwuma mu, borɔn so, ne bɔs ahorow mu ho dwuma no. Ɛyɛ nwonwa sɛ wohu nnipa a wɔafa Onyankopɔn apɛdeyɛ aniberesɛm saa wɔ bere a nyamesom mu nyaatwomyɛ abu so yi mu.”

Sua nea Yehowa Adansefo gye di ne sɛnea wɔaboaboa wɔn ano wɔ wiase nyinaa no ho asɛm. Sɛ wopɛ sɛ wuhu nea wobɛyɛ na woanya Yehowa Adansefo—Wɔde Biakoyɛ Reyɛ Onyankopɔn Apɛde wɔ Wiase Nyinaa, brochure a ekura nkratafa 32 no bi ho biribi a, yɛsrɛ wo hyehyɛ kratasin a ɛwɔ ase hɔ no na fa mana.