Kratafa Abien

Afeha yi ahu asetra mu nsakrae akɛse. Na nnipa a wɔtraa ase wɔ bere a atwam no mu fã kɛse no ara tete nkuraa nketenkete ase. Esiane sɛ na wɔyɛ nnwuma wɔ fie nti, na akwantu yɛ anigyede. Nanso mfiridwuma maa eyi sakrae.

Esiane eyi nti, asetra ano abɛyɛ hyew kɛse. Nkurɔfo de ntɛmpɛ kɔ adwuma, kodi gua, kosi wɔn mma wɔ mmotafowa sukuu anaasɛ beae a wɔhwɛ mmofra na wɔyɛ nneɛma adapɛn awiei wɔ ntɛmpɛ mu​—sɛnea ɛbɛyɛ a wobegye wɔn ahome. Ɛte sɛ nea dɔn, keteke bere nhyehyɛe ne bere a wɔde tɔn, nneɛma wɔ aguadidan mu no na ɛkyerɛ asetra kwan.

Dɛn na wubetumi ayɛ na woatumi anya w’asetra so tumi kɛse sɛnea ɛbɛyɛ a wubetumi agyina nnɛyi asetra a ano yɛ hyew no ano?