1 Korintofo
6 Sɛ mo mu bi ne ne yɔnko nya asɛm+ a, so otumi si ne bo de no kɔ asɛnnii wɔ nnipa a wɔnteɛ anim+ a ɔmfa nkɔ akronkronfo anim mmom?+ 2 Anaasɛ munnim sɛ akronkronfo no na wobebu wiase+ atɛn?+ Na sɛ mo na mubebu wiase atɛn a, momfata sɛ mudi nsɛm nketewa+ anaa? 3 Munnim sɛ yebebu abɔfo atɛn?+ Sɛ saa a, ɛnde asetena yi mu nneɛma na yentumi mmu ho atɛn? 4 Na sɛ mowɔ asetena yi mu nsɛm a ɛsɛ sɛ mudi a,+ wɔn a asafo no mmu wɔn na mode wɔn yɛ atemmufo?+ 5 Mereka de ahyɛ mo aniwu.+ So ɛyɛ ampa sɛ onyansafo+ biako mpo nni mo mu a obetumi abu ne nuanom ntam atɛn, 6 a enti onua de onua kɔ asɛnnii, wɔn a wonnye nni anim?+
7 Nokwarem no, ɛyɛ nkogudi koraa ma mo sɛ mode mo ho mo ho bɛkɔ asɛnnii.+ Adɛn na momma wɔnyɛ mo bɔne mmom?+ Adɛn na momma wonsisi mo+ mmom? 8 Mmom mo na moyɛ afoforo bɔne sisi wɔn, mo nuanom ankasa.+
9 Adɛn! Munnim sɛ wɔn a wɔnteɛ no rennya Onyankopɔn ahenni?+ Mommma wɔnnnaadaa mo. Aguamammɔfo+ anaa abosonsomfo+ anaa awaresɛefo+ anaa mmarima a wɔde wɔn yɛ adapaade+ anaa mmarima a wɔne mmarima da+ 10 anaa akorɔmfo anaa adifudepɛfo+ anaa asabofo+ anaa wɔn a wɔsopa afoforo anaa apoobɔfo rennya Onyankopɔn ahenni no.+ 11 Saa na na mo mu binom te.+ Nanso wɔaguare mo kama,+ wɔatew mo ho,+ na wɔabu mo bem+ yɛn Awurade Yesu Kristo din+ ne yɛn Nyankopɔn honhom+ mu.
12 Mewɔ hokwan sɛ meyɛ nneɛma nyinaa; nanso ɛnyɛ nneɛma nyinaa na mfaso wɔ so.+ Mewɔ hokwan+ sɛ meyɛ nneɛma nyinaa; nanso meremma biribiara nni me so tumi.+ 13 Aduan wɔ hɔ ma yafunu, na yafunu nso wɔ hɔ ma aduan;+ nanso Onyankopɔn bɛsɛe ne nyinaa.+ Nipadua nni hɔ mma aguamammɔ, na ɛwɔ hɔ ma Awurade;+ na Awurade nso wɔ hɔ ma nipadua+ no. 14 Nanso Onyankopɔn nyan Awurade,+ na ɔnam ne tumi+ so benyan yɛn nso afi awufo mu.+
15 Munnim sɛ mo nipadua yɛ Kristo+ akwaa?+ Ɛnde, so memfa Kristo akwaa nkɔyɛ aguaman akwaa?+ Ɛmpare me! 16 Adɛn! Munnim sɛ nea ɔde ne ho abata aguaman ho no ne no ayɛ nipadua koro? Efisɛ ɔka sɛ: “Wɔn baanu no bɛyɛ ɔhonam koro.”+ 17 Na nea ɔde ne ho abata Awurade ho no ne no ayɛ honhom+ koro.+ 18 Munguan aguamammɔ.+ Bɔne biara a onipa yɛ no nni ne nipadua mu, na nea ɔde ne ho hyɛ aguamammɔ mu no yɛ n’ankasa nipadua bɔne.+ 19 Adɛn! Munnim sɛ mo nipadua yɛ honhom kronkron a ɛwɔ mo mu+ a munya fii Onyankopɔn hɔ no asɔrefie?+ Bio nso monyɛ mo ankasa dea,+ 20 efisɛ wɔtɔɔ mo aboɔden.+ Ɔkwan biara so, monhyɛ Onyankopɔn anuonyam+ wɔ mo nipadua+ mu.