Mmebusɛm
22 Din pa na ɛsɛ sɛ wɔpaw, na ɛnyɛ ahonyade+ pii; anuonyam ye sen dwetɛ ne sika mpo.+
2 Ɔdefo ne ohiani ahyia.+ Wɔn nyinaa Bɔfo ne Yehowa.+
3 Onitefo ne nea ohu mmusu na ɔde ne ho hintaw,+ na ogyimfo de, ɔfa mu, na onya ho asotwe.+
4 Ahobrɛase ne Yehowa suro—ɛde ahonya ne anuonyam ne nkwa na ɛba.+
5 Nsɔe ne mfiri wɔ onipa kɔntɔnkye kwan mu;+ nea ɔhwɛ ne kra twe ne ho fi ho kɔ akyirikyiri.+
6 Tete abofra wɔ ɔkwan a ɛfata so;+ sɛ onyin a, ɔremfi ho.+
7 Ɔdefo na odi ahiafo so,+ na nea ogye obi hɔ bosea no yɛ akoa ma nea ɔbɔ no bosea no.+
8 Nea ogu amumɔyɛ no betwa bɔne,+ na n’abufuw abaa bɛba awiei.+
9 Nea ohu mmɔbɔ no benya nhyira, efisɛ ɔde aduan ma ohiani.+
10 Pam ɔfɛwdifo, na akasakasa begyae, na mansotwe ne animguase to betwa.+
11 Nea ɔdɔ koma a emu tew+ na ne kasa ho wɔ nyam no, ɔhene bɛyɛ n’adamfo.+
12 Yehowa aniwa hwɛ nimdeɛ so,+ na ɔdan nkontompofo nsɛm ani.+
13 Ɔkwadwofo ka sɛ:+ “Gyata wɔ abɔnten!+ Obekum me wɔ mmɔnten so!”
14 Ɔbea hohwini ano yɛ amoa donkudonku.+ Nea Yehowa bo fuw no no, ɔno na ɔbɛhwe mu.+
15 Agyimisɛm kyekyere abofra koma ho;+ nteɛso abaa na ebeyi afi ne ho akɔ akyirikyiri.+
16 Nea osisi ohiani de nya ne ho,+ ne nea ɔyɛ ɔdefo yiye no, ohia na ebehia wɔn.+
17 Yɛ aso tie anyansafo nsɛm,+ na fa wo koma to me nimdeɛ so.+ 18 Eye sɛ wode besie wo komam,+ na ne nyinaa ada w’ano.+
19 Nea ɛbɛyɛ na wode wo ho ato Yehowa so+ no, wo ara na merema wo nimdeɛ nnɛ.
20 So menkyerɛw afotusɛm ne nimdeɛ mmaa wo,+ 21 sɛ fa hu sɛnea nsɛmpa no yɛ nokware na wode mmuae a ɛyɛ nokware akɔma nea ɔsomaa wo no anaa?+
22 Nsisi ohiani, sɛ ɔyɛ ohiani nti,+ na ntiatia mmɔborɔni so wɔ kurow pon ano.+ 23 Yehowa bedi wɔn asɛm ama wɔn,+ na wɔn a wosisi ahiafo no, Obegye wɔn kra afi wɔn nsam.+
24 Wo ne obufufafo mmfa yɔnko;+ na wo ne onipa a ne koko haw no mmmɔ, 25 na woansua n’akwan na ansum wo kra afiri.+
26 Nyɛ wɔn a wokyiakyia nsam di akagyinam+ no bi, wɔn a wosi awowa+ no. 27 Sɛ wunni nea wode betua a, dɛn nti na woreyɛ ama wayi wo mpa afi w’ase?
28 Mpiapia ɔhye a w’agyanom fi tete atwa ato hɔ no.+
29 Woahu onipa a ne ho akokwaw n’adwuma mu? Ahene anim na obegyina;+ ɛnyɛ onipahunu biara anim na obegyina.