Ne iloa ˋlei ne te Tupu ko Tavita a Ieova kae ne fakalagolago ki a Ia. I te taimi ne lamalama a ia ne ana fili ke tamate, e aofia ei te tupu ko Saulo, ne ˋtalo a Tavita ki a Ieova mō se fesoasoani. I te otiga ne tali ne te Atua tena ˋtalo kae fakasao a ia, ne fai atu a Tavita: “A Ieova e ola!” (Sala. 18:46) Mai pati konei, ne seki fai fua pelā me ne iloa ne Tavita i te Atua e ola. E fai mai se fakamatalaga e tasi me ne fakaasi atu ne Tavita tena loto talitonu ki a Ieova “e pelā me se atua ola telā e tu faeloa mō ana tino.” E tonu, ne iloa ne Tavita mai mea ne ˋtupu ki a ia me i tena Atua e ola, kae ne fakamalosi aka ei a tena fakaikuga ke tavini kae ˋviki atu ki a Ieova. (Sala. 18:​28, 29, 49) A te ˋtou taliˋtonu i a Ieova se Atua e ola, e fesoasoani mai ke tavini atu tatou ki a ia mo te loto finafinau. Ka maua ne tatou a te malosi ke kufaki i mea faigaˋta mo te manakoga ke tumau i te gaˋlue malosi i tena galuega. Ka fakaiku aka foki ne tatou ke tumau i te fakapiliˋpili atu ki a Ieova. w24.06 20-21 ¶3-4

Ne a mea e mafai o tauloto ne tatou mai pati a Paulo ki te kau Tesalonia? Kafai e ˋlogo tatou i se tala telā e se fetaui mo mea ne tauloto ne tatou mai te Tusi Tapu io me se tala fakapoi, ke na fakaaoga fakaˋlei ne tatou te poto. I te Soviet Union mua, ne fakasalalau atu ne ˋtou fili se tusi telā e foliga mai me ne aumai mai te ˋtou laumua. Ne fakamalosi atu te tusi tenā ki taina ke ˋvae keaˋtea kae fakatu se fakapotopotoga fakaaˋtea a latou. Ne foliga tonu eiloa te tusi tenā. Kae ne seki fakaloiloigina a taina fakamaoni. Ne iloa ne latou me i te fekau i te tusi tenā e se fetaui mo mea ne tauloto ne latou. I aso nei, e fakaaoga sāle ne fili o te munatonu a poto ˋfou i aso nei ke fakaˋnumi kae fakamavaeˋvae tatou. I lō te “vave o ˋnumi [ˋtou] mafaufau,” e mafai o puipui ne tatou a tatou eiloa mai te mafauˋfau fakaˋlei ki mea e lagona io me faiˋtau ne tatou, me e mata e fetaui ˋlei mo munaˋtonu ne tauloto ne tatou io me ikai.—2 Tesa. 2:2; 1 Ioa. 4:1. w24.07 12 ¶14-15

A te ˋtoe fakaikuga tāua e mafai o fai ne se tino ko te fakaikuga ke tuku atu tena ola ki a Ieova kae ke aofia i Tena kāiga o tino tapuaki. E manako a Ieova ke fai penā a tino katoa. Kaia? E manako a ia ke maua ne latou se va fakataugasoa ˋlei mo ia kae ke ola ki te se-gata-mai. (Teu. 30:​19, 20; Galu. 6:​7, 8) Kae e se faimālō ne Ieova a tino ke tavini atu ki a ia. E tuku ne ia te avanoaga ki tino taki tokotasi ke fai olotou fakaikuga ki te mea e maˋnako latou ki ei. Kae pefea la māfai ko ofa ne se Kelisiano papatiso se tulafono a te Atua, kae fai ne ia se agasala matagā? Kafai e se salamō a ia, e ˋtau o tapale keaˋtea a ia mai te fakapotopotoga. (1 Koli. 5:13) Kae ui ei, e manako malosi a Ieova ke toe foki mai te tino agasala tenā ki a Ia. Tenā te pogai tonu ne fakatoka ei ne ia a te togiola—ke mafai o fakamagalo ne ia a tino kolā e salaˋmo tonu. E fakamolemole mai te ˋtou Atua alofa ki tino fai mea ˋse, ke salaˋmo.—Saka. 1:3; Loma 2:4; Iako. 4:8. w24.08 14 ¶1-2