N’Oyetekaniriza Ekiijukyo?

Omu kwezi kwa Nisani ebiro 13 omwaka gwa 33 C.E., Yesu yali akimanyire ngu asigaizeyo ekiro kimu kyonka kuba n’abakwenda be. Yali nagenda kulya nabo embaga ey’Okuhinguraho ey’okumaliirra, hanyuma atandikeho omukoro omuhyaka ogurukwetwa eky’Ekiro kya Mukama Waitu. Omukoro gunu omukuru kusobora kubaho, hakaba haine kubaho enteekaniza. Nahabwekyo, akatuma Petero na Yohaana okutekaniza eby’okukozesa. (Luk. 22:7-13) Kuruga obu, Abakristaayo beteekaniriza Ekiijukyo buli mwaka. (Luk. 22:19) Bintu ki ebi tusemeriire kukora kwetekaniriza Ekiijukyo ekirukwija kubaho Apuli 3?

Abagurusi Basemeriire Kukora Bintu Ki?

Mukole entekaniza ey’okukozesa Ekyombeko ky’Obukama, rundi ekyombeko ekindi kyona ekisemeriire. Kisemeriire kubamu entebe ezirukumara, omwanya ogurukumara, kandi kirumu ekyererezi. Mukole entekaniza ey’okusemeza ekiikaro kurungi.
Mukome araaha orubaazo, arayebembera oruso’rokano, hamu n’ab’oruganda abarasabira omugati n’empwahwa.
Obu haraaba haroho ebitebe ebindi ebirukugenda kukozesa ekyombeko nikyo kimu, mwikiranize obwire obu muramara nukwo abandi basobole kukozesa ekyombeko kandi batunge n’omwanya nambere barateeka ebiiruka bwabo.
Mukome abaratangiira abagenyi n’abararabyamu omugati n’empwahwa.
Mukole entekaniza ey’okutunga omugati ogutatumbisiibwe, empwahwa, amasahaani, amagilaasi, emeeza hamu n’ebitambaara.

Abatebezi Basemeriire Kukora Bintu Ki?

Mukole entekaniza enteekaniza ezirabasobozesa kutunga obwire bw’okugaba kaadi ez’okweta abantu ha Kiijukyo.
Handiika ha rupapura amabara g’abeegi baawe aba Baibuli, abanyabuzaale baawe, ab’osoma nabo ha isomero, ab’okora nabo, hamu n’abanywani ab’orukugonza kuraliza ha Kiijukyo.
Wekambe kusoma n’okucumitiriza ha Kusoma kwa Baibuli okw’akasumi k’Ekiijukyo.
Oije kara nukwo osobole kutangiira abagenyi.