Kuruga omu Kasumi k’Abakama Kuhika omu Kasumi ak’Okwongera Kwombeka Yerusaalemu

Abantu abarukubazibwaho omu kicweka kinu bakabaho nk’omu kasumi ak’emyaka 600. Leka tutandike na Yonasaani, mutabani w’Omukama Saulo; twongere tubazeeho Daudi ow’akaba ali omukama omwesigwa ow’okubanza omu Isaleeri. Hanyuma tubazeeho akasumi nambere abantu ba Ruhanga baagarukire kuruga Bbabburooni omu bunyagwa kwongera kwombeka Yerusaalemu. Nitusobora kwegera ha kyokurorraho kya Abbigairi, Nasani, Eriya, Danieri, Esiteeri, Nehemiya, hamu n’abandi. Bakeetaaga obumanzi omu nyikara ezirukwahukana. Ekyokurorraho abamu bakaba baine kulema abantu ba Yahwe abajeemu, bamu bakaba baine kwikara bali beesigwa noobu kiraaba ngu abalemi baabo bakaba batali beesigwa, kandi abandi bakaba baine kuhabura abantu ba Ruhanga obu baatandikire kukora ebintu ebibi.