Haroho Gavumenti Enungi Ey’Esobora Kulema Ensi Yaitu?—Baibuli Ekibazaaho Ki?

Gavumenti omu nsi yoona zirumu akatabanguko. N’omu mahanga agarukuzooka nk’agatekaine, gavumenti ziikaire nizibazibwaho ebintu ebirukuswaza ebirukubazibwa ab’eby’obulemi abaasingirwe oburuuru, kwebaganizaamu omu bitebe by’eby’obulemi hamu n’obutabanguko.

Baibuli n’eyoleka ngu haroho gavumenti emu enungi. Noosobora kuba wagihuliireho. Niyo gavumenti Yesu Kristo ei yabalizeeho omu saara ye.

• ““Baitu musabege muti: “‘Isiitwe ali omu iguru, ibara lyawe lyezebwe. Leka Obukama bwawe bwije. Leka ebi ogonza bikorwe omu nsi, nkooku bikorwa omu iguru.’”—Matayo 6:9, 10.

Baibuli egamba ki ha Bukama bwa Ruhanga?

Obukama bwa Ruhanga—gavumenti enungi

Obukama nibulema kuruga omu Iguru.

• Gavumenti egi Yesu akagyeta “Obukama obw’omu iguru.” (Matayo 4:17; 5:3, 10, 19, 20) Habw’ensonga enu akagamba ati: “Obukama bwange tibuli kicweka ky’ensi enu.”—Yohaana 18:36.

Obukama bwa Ruhanga nibwija kwihaho gavumenti z’abantu. • Baibuli egamba eti: ‘Obukama bunu . . . bulicwacwana

• nubumaraho obukama obw’abantu bwona, kandi buligumaho ebiro n’ebiro.’—Danieri 2:44.

Obukama oburukwebemberwa Yesu Christo nk’Omukama tibulihwerekerezebwa.

• Baibuli egamba eti: “Okulemakwe kulema okwebiro nebiro, okutalihwaho, nobukamabwe nubwo butalihwerekerezebwa.”—Danieri 7:13, 14.

Obukama bulireeta Obusinge n’obulinzi omu nsi.

• Baibuli egamba eti: “Buli omu aliikara omu busiinge aine emisiri y’emizabbibbu n’emiti y’emitini, kandi busaho n’omu ow’alibaleetera okutiina.”—Mika 4:4, Good News Translation.

Manya ebirukukiraho ebirukukwata ha Bukama

Yesu obu akaba ali omu nsi, akakozesa obwire bwe ‘kutebeza amakuru amarungi ag’Obukama.’ (Matayo 9:35) Ekindi, akaranga ngu:

•  “Amakuru ganu amarungi ag’Obukama, galitebezebwa omu nsi yoona nk’obwakaiso hali amahanga goona, kandi nubwo empero erihika.”—Matayo 24:14.

Kasumi kanu, amakuru amarungi ag’Obukama galiyo nigatebezebwa omu mahanga agarukuhingura 240. Nooraalizibwa kumanya ebirukukiraho ebirukukwata ha gavumenti enu n’omulingo osobora kugasirwa omu bulemi bwayo.

Noosabwa kurora vidiyo Obukama bwa Ruhanga Nikyo Kiki?