Emihendo y’Ebintu Kutemba omu Nsi Yoona—Baibuli n’Ekibazaaho Ki?

Omu ripooti eya Juuni 2022 omwebembezi w’ekitongole ekirukumanywa nka World Bank Group akagamba ati; “Eby’entahya omu nsi biri omu kabi. Emihendo y’ebintu neyeyongera kutemba kandi entahya y’abantu neyeyongera kukeeha.”

Ekitongole ekirukumanywa nka International Monetary Fund kikagamba kiti: “Emihendo y’amafuta n’ebyokulya eyeyongiire kutemba, ekiretiire abantu abarukwikara omu mahanga amanaku kubonabona muno.”

Baibuli n’etukonyera kwetegereza habwaki haroho ebizibu omu by’entahya, omulingo tusobora kubigumira kandi etuha n’okunihira ngu byona nibiija kuhwaho.

Emihendo y’ebintu kutemba omu biro ebya ha mpero

• Akasumi kanu akaturumu Baibuli ekeeta “ebiro ebya hanyuma.”—2 Timoseo 3:1.

• Yesu akagamba ngu omu kasumi kanu haakubaireho ‘ebinyakukanga,’ rundi ebintu ebirukutiinisa. (Luka 21:11) Emihendo y’ebintu kweyongera kutemba kiretiire abantu kutiina. Abantu beralikiriire ekiraabaho omu busumi bw’omu maiso kandi tibamanyire obubarasobora kuhikyaho amaka gaabo ebyetaago.

• Ekitabu ky’Okusuku’rwa kikaranga ngu omu kasumi kanu omihendo y’ebyokulya yakweyongiire kutemba. Kigamba ngu “Nahurra iraka nirigamba ngu . . . . Endengo y’engano, n’endengo isatu za sairi zirigurwa omusaara gw’ekiro kyona.”—Okusuku’rwa 6:6, empindura ya Easy-to-Read Version.

Kumanya ebirukukiraho ha ‘biro bya ha mpero’ hamu n’obunabbi obuli omu Okusuku’rwa, rora vidiyo Ensi Ikaire n’Ehinduka Kuruga omu 1914 kandi osome ekicweka “Abasaija Bbana Abembaraasi—Nibamanyisa Ki?”

Ebizibu omu by’entahya birihweraho kimu

• “Balyombeka enju balizitahamu; balibyara emisiri eyemizabibu, baliryaho ebyana. Tibalyombeka bo, ondi atahemu; tibalibyara bo, ondi alyeho.”—Isaya 65:21, 22.

• “Halibaho omweru [gw’oburo] omu nsi, ha mutwe gw’ensozi.”—Zabuli 72:16.

• “Obwokunyaga abanaku, obwokusinda kwabasege, hati bunu ndaimuka, nukwo [Yahwe] agamba.”—Zabuli 12:5.a

Omu kasumi akatali ka hara Ruhanga, naija kumaraho ebizibu omu by’entahya hatali omu ihanga limu lyonka baitu omu nsi yoona. Kumanya omulingo alikikoramu, soma ekicweka “Nikisoboka Abantu Boona Kuba ha Rulengo Rumu omu by’Entaahya?”

Na kasumi kanu, Baibuli n’esobora kukukonyera kuraba omu nyikara enu ey’emihendo kutemba. Omu mulingo ki? Erumu amagezi agarakukonyera kukozesa kurungi sente. (Enfumo 23:4, 5; Omugambizi 7:12) Kumanya ebirukukiraho, soma ekicweka “Kozesa Kurungi Sente Zaawe” na “Omulingo Osobora Kukozesa Sente Ntaito.”