Abazaire​—Mukonyere Abaana Banyu Kutunga Amagezi Kuruga Hali Ruhanga

Gumu ha miringo ey’erukukirrayo kimu oburungi abazaire basobora kukonyeramu abaana baabo kutunga amagezi kuruga hali Ruhanga, nugwo ogw’okubakonyera kugasirwa omu nsorrokano ez’Ekikristaayo. Abato ebibarora, bakahurra, kandi bakabaza omu byokugarukamu byabo obubakuba bali omu nsorrokano, nibisobora kubakonyera kwega hali Yahwe n’okumufoora munywani wabo. (Bir 31:​12, 13) Obworaaba oli muzaire, n’osobora ota kukonyera omwana waawe kugasirwa omu nsorrokano?

• Kora kyona ekirukusoboka kwejumbira omu nsorrokano maiso h’amaiso.​—Zab 22:22

• Mara obwire n’ab’oruganda na banyaanya itwe ensorrokano zitakatandikire na hanyuma yazo.​—Baheb 10:25

• Kigumye ngu buli omu omu ka yaawe aine ebitabu ebirukukozesebwa omu rusorrokano, kabibe biri ha kyoma ekyakalimagezi rundi bitiirwe ha mpapura

• Konyera omwana waawe kutekaniza ekyokugarukamu omu bigambo bye wenka.​—Mat 21:​15, 16

• Bazaaho kurungi ensorrokano n’oburagirizi obututunga

• Konyera omwana waawe kwejumbira omu mirimo nk’okuyonja Ekyombeko ky’Obukama hamu n’okubaza n’ab’oruganda na banyaanya itwe abakuzire omu myaka omu kitebe

Kukonyera abaana baawe kwirra haihi na Yahwe nikyetaagisa kuteekamu amaani maingi, kandi obwire obumu nikisobora kuzooka nk’ekirukujwahya muno. Baitu kigumye ngu Yahwe naija kukukonyera.​—Is 40:29.

MUROLE VIDIYO NK’ABAZAIRE, MWESIGE YAHWE N’AMAANI GE, HANYUMA MUGARUKEMU EBIKAGUZO BINU:

• Kujwaha kukakwataho kuta Zack na Leah?

  Eky’okugarukamu kyawe

• Habwaki abazaire basemeriire kwesiga Yahwe kubaha amaani?

  Eky’okugarukamu kyawe

• Miringo ki Zack na Leah bayesigiremu Yahwe kubakonyera?

  Eky’okugarukamu kyawe