OBWOMEEZI BWAITU NK’ABAKRISTAAYO

**Kozesa Wegondeze omu Bwomeezi Ebiro n’Ebiro! Omu Buheereza Bwawe**

Mali katusemeriirwe habw’okutunga burocuwa empyaka hamu n’ekitabu ekihyaka eby’okukozesa kwegesa abantu Baibuli! Nitusaba Yahwe atuhe omugisa habw’amaani tukutamu kusobora kufoora abantu baingi abegeswa. (Mat 28:18-20; 1Kol 3:6-9) Nitusobora tuta kukozesa ebikwato binu ebihyaka?

Nk’oku ekitabu Wegondeze omu Bwomeezi Ebiro n’Ebiro!, okwega Baibuli okw’okuleeta hamu ebiteekerezo, nikyoleka omulingo omuhyaka ogw’okwegesa, hondera oburagirizi bunu obworaaba n’otekaniza kandi n’oyegesa omwegi wa Baibuli.a

Musome ebimuhairwe kandi mubazeeho ebikaguzo
Musome ebyahandiikirwe ebiroho ekigambo “musome” kandi okonyere omwegi kwetegereza omulingo birukumukwataho
Mutekeho vidiyo kandi muzibazeeho nimukozesa ebikaguzo ebimuhairwe
Lengaho kumara isomo buli murundi murayega

Obworaaba oli omu buheereza, banza ogabe burocuwa nukwo orole omuntu obwaraaba n’agonza kumanya ebirukukiraho. (Rora akasanduuko “Nk’Oku Osobora Kugaba Burocuwa Wegondeze omu Bwomeezi Ebiro n’Ebiro! ha Murundi ogw’Okubanza.”) Obumuramara kwega nimukozesa burocuwa, kandi omwegi akooleka ngu n’agonza kugumizaamu, muhe ekitabu hanyuma mutandike isomo 04. Obworaaba n’oyegesa omuntu n’okozesa akatabu Baibuli Etwegesa Ki rundi Mwerindirege omu Kugonza Kwa Ruhanga, mutwale omu kitabu Wegondeze omu Bwomeezi Ebiro n’Ebiro! kandi ocwemu ninkaha nambere muratandikira.

Ow’oruganda na mukazi we nubo bamu nibakozesa ekitabu “Wegondeze omu Bwomeezi Ebiro n’Ebiro!” kwegesa omusaija nuwe omu, bali omu ka ye.

MUROLE VIDIYO NITUKUTANGIRRA OMU KWEGA BAIBULI, HANYUMA MUGARUKEMU EBIKAGUZO BINU:

Abeegi nibaija kwega bintu ki omu kitabu ekihyaka?
Habwaki osemeriire kwoleka abeegi abahyaka vidiyo enu?
Bigendererwa ki eby’osemeriire kwekambisa omwegi kweteraho kandi akabihikiriza?—Rora ekicweka “Ekirabazibwaho n’Ekigendererwa kya Buli Kicweka”

a OKUMANYISIBWA: N’obworaaba oine obugabe kucwamu kukozesa rundi kutakozesa ekicweka “Seruliiriza” obworukuba n’oyegesa, twara obwire kusoma n’okurora buli vidiyo obworaaba n’otekaniza. Obu nubwo oraamanya kiki ekirasemeza omwegi kandi kikamukonyera. Ekitabu ekya ha byoma byakalimagezi kirumu endagirro ezirukukutwara ha vidiyo na ha bintu ebindi ebyongirweho.

EKIRABAZIBWAHO N’EKIGENDERERWA EKYA BULI KICWEKA
	AMASOMO	EKIRABAZIBWAHO	EBIGENDERERWA BY’OMWEGI
1	01-12	Wetegereze omulingo Baibuli esobora kukukonyera n‘omulingo osobora kumanya kurungi ayagihandikisize	Wekambise omwegi kusoma Baibuli, kutekaniza mutakegere, hamu n‘okutandika kwija omu nsorrokano?
2	13-33	Manya ebintu Ruhanga atukoliire hamu n‘okuramya okumusemeza	Wekambise omwegi kugambiraho abandi amananu hamu n‘okufooka omutebezi?
3	34-47	Wetegereze ebintu Ruhanga arukugonza abaheereza be bakole	Wekambise omwegi kuhayo obwomeezi bwe hali Yahwe n‘okubatizibwa?
4	48-60	Manya omulingo osobora kwerindira omu kugonza kwa Ruhanga	Yegesa omwegi kwahukaniza ekirungi hali ekibi hamu n‘okukurakurana omu by‘omwoyo