Kampaini ey’Embaganiza ey’Okurangirra Obukama bwa Ruhanga omu Novemba

Yesu akarangirra “amakuru amarungi ag’Obukama bwa Ruhanga.” (Luk 4:43, NW) Kandi akegesa abantu kusabaga ngu Obukama obu bwije. (Mat 6:9, 10) Omu kwezi kwa Novemba, nitwija kutamu amaani ag’embaganiza kurangirra Obukama bwa Ruhanga. (Mat 24:14) Kora entekaniza kurora ngu wayejumbira muno omu kampaini enu. Abo boona abarukuheereza nka bapayoniya abasagiki nibasobora kucwamu kutebeza habw’esaaha 30 rundi 50 omu kwezi oku.

Bazaho n’abantu baingi ha kyahandiikirwe ekirukukwata ha Bukama bwa Ruhanga nk’oku kirukusoboka omu kiikaro kyanyu. Obw’oraaba n’okomamu ekyahandiikirwe eky’orakozesa, tekerezaaho enyikiriza z’abantu abarukukuhuliiriza. Kakuba ha murundi ogw’okubanza omuntu ayoleka ngu n’agonza kwega, muhe Omunaara gw’Omulinzi ogwa boona Na. 2 2020. Hanyuma ogarukeyo omu bwangu kandi olengeho kutandika kumwegesa Baibuli n’okozesa kimu ha Bikwato Byaitu Ebitukozesa Kwegesa. Hasigaireyo obwire buke Obukama bwa Ruhanga kucwacwana gavumenti ez’abantu ezirukubuhakaniza. (Dan 2:44; 1Kol 15:24, 25) Nahabweki leka itwena tukozese omugisa gunu ogw’embaganiza kwoleka ngu nitusagika Yahwe n’Obukama bwe!