Kampeini ey’Embaganiza ey’Okurangirra Obukama bwa Ruhanga omu Sebutemba!

Omu kwezi kwa Sebutemba, nitwija kutamu amaani ag’embaganiza kurangirra Obukama bwa Ruhanga nka gavumenti yonka ey’erukwija kumaraho ebizibu by’abantu byona. (Mat 24:14) N’osobora ota kwejumbira omu kampeini enu? Somera abantu baingi nk’oku kirukusoboka ekyahandiikirwe ekirukubazaaho Obukama bwa Ruhanga omu kwezi oku. Omuntu obw’arayoleka okugonza, muhe Omunaara gw’Omulinzi ogwa Boona Na. 2 2020. Hanyuma mugarukire omu bwangu kandi olengeho kutandika kumwegesa Baibuli n’okozesa burocuwa Wegondeze omu Bwomeezi Ebiro n’Ebiro!. Abo boona abaraheereza nka bapayoniya abasagiki omu kwezi kwa Sebutemba, nibasobora kucwamu kutebeza habw’esaaha 15 rundi 30.

Omu kasumi akatali ka hara, Obukama bwa Ruhanga nibwija kuhwerekereza gavumenti zoona ezirukubuhakaniza. (Dan 2:44; 1Kol 15:24, 25) Leka tukozese kurungi omugisa gunu ogw’embaganiza kwoleka ngu nitusagika Yahwe n’Obukama bwe!