Omulingo Obuheereza Bwaitu obw’Okukonyera Abahikirweho Ebigwererezi Bugasiire Abakristaayo omu Mahanga Ga Caribbean

Nk’Abakristaayo ab’omu kyasa eky’okubanza, naitwe kasumi kanu twine omugisa ogw’okwoleka okugonza hali Abakristaayo bagenzi baitu abahikirweho ebigwererezi. (Yoh 13:34, 35) Murole vidiyo Kwoleka Okugonza omu Bikorwa​—Kwirukirra Abahikirweho Ebigwererezi omu Bizinga kurora omulingo Abakristaayo bakonyiire ab’oruganda n’abanyanya itwe abarukwikara omu mahanga ga Caribbean, hanyuma mugarukemu ebikaguzo binu:

• Ab’oruganda ab’omu mahanga ga Caribbean bakatalibanizibwa bata ihuunga ery’amaani erirukwetwa Irma n’eriindi erirukwetwa Maria?

• Yahwe akozeseze ata ab’oruganda kukonyera ab’oruganda bagenzi baabo abarukwikara omu mahanga ga Caribbean?

• Ab’oruganda abahikirweho ebigwererezi binu, bakwasirweho bata habw’okugonza ab’oruganda baboolekere?

• Baingaha ab’oruganda n’abanyanya itwe abayejumbiire omu kukonyera abo bahikirweho ebigwererezi omu mahanga ga Caribbean?

• Nitusobora tuta itwena kukonyera abo abahikirweho ebigwererezi?

• Vidiyo enu ekuletiire kwehurra ota habwokuba omu kitebe kya Yahwe ekirumu okugonza?