Okuhikiriza Kurungi Obuheereza Bwaitu​—Okugarukayo

HABWAKI KIKURU: Abantu abarukukira obwingi ababa nibaserra amananu agarukukwata hali Ruhanga, basiima amakuru amarungi agaturukutebeza. (Is 55:6) Obuturaaba nitugonza kubakonyera kukurakurana, tusemeriire kwikara nitugarukayo. Kusigikirra nk’oku abantu baba n’ebizibu ebirukwahukana, naitwe tusemeriire kubegesa kusigikirra ha bizibu ebibarukuraabamu. Baitu ekiratukonyera kwegesa abantu baketegereza nukwo kubanza kutekaniza tutakagarukireyo, kandi n’okuba n’ekintu ekihyaka eki twakugondeze kubegesa hamu n’okuba n’ekigendererwa eky’okubafoora beegi ba Baibuli.

OMULINGO GW’OKUKIKORAMU:

• Lengaho kugarukayo omu bwangu, hakire hanyuma y’ebiro bike.​—Mat 13:19

• Munywane kandi mutekemu ekitinisa. Kandi hurra otaikaine

• Banza omuramukye kurungi. Kozesa ibara lye obworaaba n’obaza nauwe. Mugambire ensonga ey’ekugarwire​—n’esobora kuba, kugarukamu ekikaguzo, kumuletera magaziini empyaka, kumwoleka omukura gwaitu, kumwoleka vidiyo, rundi kumwoleka nk’oku twegesa abantu Baibuli. Obuharaaba haroho ensonga endi ey’akugonza kumanya leka eby’otekaniize nukwo ogi musoborre.​—Baf 2:4

• Kozesa Ekyahandikiirwe rundi mulekere akatabu nukwo osobole kwitirra amananu agaw’abyaire omu mutima gwe. (1Kol 3:6) Lengaho kwombeka enkoragana nauwe

• Musigire ekimurabazaaho omurundi gundi