Ebizina Byaitu eby’Obukama Bigarramu Amaani

Omukwenda Paulo na Sira bakazina ebizina ebirukukugiza Ruhanga obu bakaba bali omu nkomo. (Eng 16:25) N’omu kasumi kaitu, ab’oruganda abakaba babohirwe omu nkomo erukweta Sachsenhausen, ey’ekaba eri omu Nazi Germany hamu na bakaba batwairwe omu Siberia, bazinaga ebizina by’Obukama. Ebyokurorraho binu nibyoleka kurungi omulingo ebizina bigarramu amaani ab’oruganda abali omu kulengwa.

Ekitabu ky’ebizina ekihyaka ekirukwetwa “Sing Out Joyfully” nikiija kuhindurwa omu ndimi ezindi nyingi omu kasumi akatali kahara. Obu muratunga ebitabu byanyu eby’ebizina, muzine ebizina ebihyaka omu kuramya kwanyu okw’eka nukwo musobole kubikwata. (Bef 5:19) Omwoyo ogurukwera nigwija kutukonyera kubiijuka obuturahikwaho okulengwa. Ebizina byaitu eby’Obukama bitukonyera kugumya okunihira kwaitu. Bitugarramu amaani obutuba tuli omu kulengwa. Kandi n’obutuba tusemeriirwe, ebigambo ebirungi ebiri omu bizina byaitu bituleetera ‘kwimukya amaraka n’okusemererwa’ habwokuba nitwehurra kurungi. (1Byom 15:16; Zab 33:1-3) Itwena twekambe kukozesa ebizina byaitu eby’Obukama!

MUROLE VIDIYO EKIZINA EKY’AGARWIREMU ABANYANKOMO AMAANI, KANDI MUGARUKEMU EBIKAGUZO BINU:

• Kiki ekyaletiire ow’oruganda Frost kuhandiika ekizina?

• Ekizina ekiyakozere kikagarramu kita amaani ab’oruganda abakaba bali omu nkomo ya Sachsenhausen?

• Nyikara ya mulingo ki esobora kukuletera kuzina ebizina eby’Obukama kusobora kugarukwamu amaani?

• Bizina ki ebi wakugondeze kukwata omu mutwe?