Ekicweka Ekihyaka Ekiratukoonyera omu Buheereza

Kutandika Janwali 2016, Watchtower ezitugaba omu buheereza ziija kuba ziine ekicweka “Baibuli Ebazaaho Ki?” ha rupapura orukumalirra. Ekicweka kinu kitekaniziibwe kutukonyera kubaza n’abantu ha bintu ebirukukwata ha Baibuli. Ekicweka kinu kitekanizibwe nk’omulingo turakiti zikozerwe. Kiine ebikaguzo, n’eky’okugarukamu, kandi haroho n’ensonga ezindi ez’osobora kubazaaho.

Obwobaza kurungi n’omuntu ow’orukutebeza, kirugirramu okwega bingi ebirukukwata ha Baibuli. Kozesa ekicweka kinu kukonyera baingi abaine enjara ey’eby’omyoyo.—Mat 5:6.

OMULINGO TUSOBORA KUKOZESA EKICWEKA KINU:

1. Kaguza ow’orukutebeza omulingo asobora kugarukamu kimu ha bikaguzo ebyolekerwe

2. Huliiriza kandi omusiime habw’okugarukamu

3. Soma ekyahandikiire ekiri hansi y’omutwe “Baibuli eky’Egamba,” kandi omukaguze eky’arukutekereza ha rukarra orw’omusomiire. Obwaraaba aine obwire, weyongere obazeeho akacweka “Bintu Ki Ebindi Eitusobora Kwega Kuruga omu Baibuli?”

4. Mugabire magaziini

5. Mukole entekaniza nukwo mubazeeho ekikaguzo ekyakabiri