Omugisa Ogutwine ogw’Okwombeka n’Okusemeza Ebiikaro Ebituramizaamu

Okwombeka yekaru omu Isareri gwali mulimo gw’amaani muno kandi gwali nigwetaagisa sente nyingi muno. Baitu nabwo, Abaisareri bakasagikira kimu omulimo gunu. (1Byom 29:2-9; 2Byom 6:7, 8) Obu bamazire okwombeka yekaru, Abaisareri kurolerra kurungi yekaru kyakwolekere obubaraaba baali nibafaayo rundi batarukufaayo ha by’omwoyo. (2Bakam 22:3-6; 2Byom 28:24; 29:3) Omu kasumi kaitu, Abakristaayo bakozesa amaani gaabu n’obwire bwabu kwombeka, kurolerra, n’okusemeza Ebyombeko by’Obukama n’ebindi nambere enso’rokano zaitu enkooto ziba. Nahabwekyo, guli mugisa gw’amaani kukorra hamu na Yahwe omu mulimo gunu habwokuba kicweka kyʼobuhereza bwaitu.​—Zab 127:1; Kus 7:15.

ITWENA TUSOBORA . . .

• 

  Kusemeza Ekyombeko ky’Obukama hanyuma y’enso’rokano. Obworaaba otarukusobora kukora emirimu eyʼamaani, kigumye ngu olekere nambere abaire aikaliire niheera.

• 

  Kwija kusemeza buli murundi harabahoga okusemeza Ekyombeko ky’Obukama. Obutukorra hamu kyanguhya omulimo kandi tutunga okuseme’rerwa.​—lv-E 92-93 ¶18.

• 

  Kuhayo sente. Nobuzakuba sente ez’omuhendo muke muno, kakuba tuhayo kuruga ha mutima gwaitu, Yahwe naija kusemererwa.​—Mar 12:41-44.

• 

  Kwehayo kwombeka n’okusemeza ebyombeko byaitu eby’okuramizaamu. Tikirukwetaagisa kuba omanyire okwombeka.