Akasumi ka Masiya Hamu n’Abahondezi be

Abantu abarukubazibwaho omu kicweka kinu bakabaho omu kasumi akarukwingana nk’emyaka 100. Omu kicweka kinu nitwija kutandika nitwegaho Malyamu, omwisiki Omuyudaaya, ayahairwe obujunaanizibwa obw’embaganiza kuruga hali Yahwe kandi ha kumalirra twegeho omukwenda Yohaana, Yesu ou yagonzaaga muno. Nitwija kwegaho abantu abaayolekere obumanzi kandi nibatwarramu Yohaana Omubatizi, omukwenda Petero, Malyamu Magadalene, Sitefano, hamu n’omukwenda Paulo. Boona bakaba nibeetaaga obumanzi omu nyikara ezirukwahukana. Ekyokurorraho, n’obumanzi bakagambira abantu abandi ngu Yesu nuwe akaba ali Masiya, noobu kiraaba ngu abantu abarukukira obwingi batakiikirize. Bakahondera ekyokurorraho kya Yesu kandi baatebeza amakuru amarungi agarukumukwataho.