Bazaaho Ebintu Ebirukukwataho Abantu

Omulingo Yesu Yakikozeremu

VIDIYO: Yesu Ali n’Omukazi ha Iziba

1. Rora VIDIYO, rundi soma Yohana 4:​6-9. Hanyuma ogarukemu ebikaguzo binu:

1. Kiki Yesu ekiyayetegeriize atakatandikire kubaza n’omukazi?

2. Yesu akagamba ati: “Mpa nywe.” Habwaki gunu gwali mulingo murungi ogw’okutandika kubaza nauwe?

Kiki Ekiturukwegera Hali Yesu?

2. Nikiija kutwanguhira kubaza n’omuntu kurungi kakuba tutandika nitubazaaho ebintu ebirukumukwataho.

Yegera Hali Yesu

3. Hinduramu. N’osobora kukozesa enyanjura endi erukwahukana ha y’obaire otekaniize. Tandika n’obazaaho ekintu abantu basobora kuba nibatekerezaaho kasumi ako. Wekaguze:

1. ‘Bintu ki ebiri omu makuru?’

2. ‘Bintu ki abataahi, abeegi rundi abakozi bataahi bange ebibarukubazaaho?’

4. Wetegereze ebirukukwata ha muntu. Wekaguze:

1. ‘Omuntu ogu aliyo nakora ki? N’asobora kuba natekerezaaho ki?’

2. ‘Omulingo ajwairemu, enyetwaza ye, n’ebiri omu ka ye, nibyoleka ngu wa diini ki rundi naruga nkaha?’

3. ‘Bunu nubwo obwire burungi obw’okubaza nauwe?’

5. Huliiriza.

1. Otabaza muno.

2. Wekambise ow’orukutebeza kukugambira ekyarukutekereza. Nambere kisemeriire, kaguza ekikaguzo.