ISOMO 25

Ekigendererwa Kya Ruhanga Hali Itwe Nikyo Kiha?

Omulingo Kirukusisana ha Rupapura

Baibuli egamba ngu obwomeezi bw’abantu, ‘bw’ebiro bike, kandi bwijwire obujune.’ (Yobu 14:1) Bunu nubwo obwomeezi Ruhanga akaba n’atugondeza? Obukiraaba tunukwo kiri, atwiniire kigendererwa ki? Kirihikirizibwa? Wetegereze ebyokugarukamu ebirukuhuumuza kuruga omu Baibuli.

1. Yahwe n’atugondeza obwomeezi bwa mulingo ki?

Yahwe n’agonza tube n’obwomeezi oburukukirayo oburungi. Obuyahangire abantu ab’okubanza, Adamu na Hawa, akabateeka omu rugonjo orurungi muno, orwa Adeni. Hanyuma “Ruhanga [akabaha] omugisa: Ruhanga yabagambira ati Muzalege, mukanye, muijuze ensi, mugirye.” (Okubanza 1:28) Yahwe akaba nagonza bazaale abaana, bahindule ensi yoona orugonjo orurungi muno, kandi barolerre ebisoro. Ekigendererwa kye kikaba ngu abantu boona begondeze omu bwomeezi obuhikiriire kandi bomeere ebiro n’ebiro.

N’obukiraaba ngu obwomeezi tunukwo buli kasumi kanu,a ekigendererwa kya Ruhanga tikikahindukaga. (Isaya 46:10, 11) Yahwe nakyagonza abantu abarukumworobera kwomeera ebiro n’ebiro baine obwomeezi obuhikiriire.—Soma Okusuku’rwa 21:3, 4.

2. Nitusobora tuta kwegondeza omu bwomeezi obwine ekigenderwa hati?

Yahwe akatuhanga twine ekyetaago ky’eby’omwoyo, ekirukumanyisa ngu, tuhurra nitugonza kumumanya n’okumuheereza. (Soma Matayo 5:3-6.) N’agonza tufooke banywani be nfe na nfe, ‘tugenderege omu mihandaye yoona, tumugonzege,’ kandi tumuheereze ‘n’omutima gwaitu gwona.’ (Ekyebiragiro 10:12; Zabuli 25:14) Obutukora tuti, tutunga okusemererwa kwonyini n’obukiraaba ngu twine ebizibu. Obuturamya Yahwe, obwomeezi bwaitu buba n’ekigendererwa habwokuba tuba nitukora ebyarukugonza.

YEGA EBIRUKUKIRAHO

Manya okugonza Yahwe okuyayolekere obw’akaba n’atutekaniriza ensi, hamu na Baibuli eky’eyegesa ha kigendererwa ky’obwomeezi.

Adamu na Hawa nibarora orugonjo orurungi eka yabo enyajwiremu ebyokulya ebirungi hamu n’ebisoro.

3. Yahwe nagonza abantu bantunge obwomeezi oburungi muno

Mutekeho VIDIYO, hanyuma mugarukemu ebikaguzo binu.

VIDIYO: Habwaki Ruhanga Yahangire Ensi?—Akacweka ka Vidiyo (1:41)

Habwaki Ruhanga yahangire ensi yaitu enungi?

Musome Omugambizi 3:11, hanyuma mubazeeho ekikaguzo kinu:

Ekyahandiikirwe kinu nikikwegesa ki hali Yahwe?

4. Ekigendererwa kya Yahwe tikikahindukaga

Musome Zabuli 37:11, 29 na Isaya 55:11, hanyuma mugarukemu ekikaguzo kinu:

Nitukimanya tuta ngu ekigendererwa kya Yahwe tikikahindukaga?

A. Enju n’esisana kubi. Orusu ruliyo nirugwa, amadirisa gaatikire, kandi n’ezigati ijwire oburofu. — Enju enyakuli omu nyikara embi muno, n’esobora kwongera n’esemezebwa. Nikyo kimu n’ensi, abantu bagisiisire muno, baitu Ruhanga naija kwongera n’agisemeza habwabo abarukumugonza

B. Enju niyo emu esemeziibwe n‘ezooka kurungi kandi ine ezigati enungi. — Enju enyakuli omu nyikara embi muno, n’esobora kwongera n’esemezebwa. Nikyo kimu n’ensi, abantu bagisiisire muno, baitu Ruhanga naija kwongera n’agisemeza habwabo abarukumugonza

5. Kuheereza Yahwe kireetera obwomeezi bwaitu kuba n’ekigendererwa

Kumanya ekigendererwa ky’obwomeezi nikisobora kutuletera okusemererwa. Mutekeho VIDIYO, hanyuma mugarukemu ekikaguzo kinu.

VIDIYO: Nkamanya Ekigendererwa ky’Obwomeezi (5:03)

Omukazi arukwetwa Terumi akagasirwa ata obuyayegere ekigendererwa ky’obwomeezi?

Musome Omugambizi 12:13, hanyuma mugarukemu ekikaguzo kinu:

Habwokuba Yahwe atukoliire bingi muno, nitusobora kwoleka tuta ngu nitumusiima?

OMUNTU N’ASOBORA KUKAGUZA: “Obwomeezi bwine kigendererwa ki?”

N’osobora kugarukamu ota?

OYEGERE KI?

Yahwe n’agonza twomeere ebiro n’ebiro kandi twegondeze omu bwomeezi obuhikiriire hanu omu nsi. Obutumuheereza n’omutima gwaitu gwona, obwomeezi bwaitu nibusobora kuba n’ekigendererwa na hati.