Kuhika ha Mutima

Enfumo 3:1

EKY’OSEMERIIRE KUKORA: Konyera abarukukuhuliiriza kurora omugaso ogw’ebintu barukwega n’omulingo basobora kubita omu nkora.

OMULINGO OGW’OKUKIKORAMU:

• Konyera abarukukuhuliiriza kwekebera. Kaguza abarukukuhuliiriza ebikaguzo ebirabakonyera kukebera emitima yabo.

• Bakonyere kuba n’ebigendererwa ebihikire. Konyera abarukukuhuliiriza kwekebera kumanya habwaki bakora ebintu ebirungi. Bakonyere kuba n’ebigendererwa ebirungi—nk’okugonza Yahwe, abantu abandi, hamu n’enyegesa za Baibuli. Bakonyere kwetegereza obuhabuzi kuruga omu Baibuli omu kiikaro ky’okubagambira bugambira ekibasemeriire kukora. Omu kiikaro ky’okubaswaza, eby’orabegesa bisemeriire kubagarramu amaani kandi n’okubaletera kugonza kukora ekirukukirayo oburungi.

• Webembeze Yahwe. Yoleka omulingo enyegesa za Baibuli, emisingi, hamu n’ebiragiro bya Ruhanga bitwoleka emiringo ye hamu n’okugonza okwatwiniire. Konyera abarukukuhuliiriza kutunga omutima ogw’okutekerezaaho omulingo Yahwe ayehurra kandi n’okugonza kumusemeza.