ISOMO 7

Okuhabura Okuruga Mu Ebyo Ebyabaireho Ira

Yahwe tarukwija kwikiriza abantu ababi kusisa Orugonjo rwe. Banywani be bonka nibo balikaramu. Kiki ekiriba h’abantu ababi? Okutunga okugarukwamu katutwale ekyo ekyabaireho hali omusaija Nuha. Nuha akabaho emyaka enkumi ne nkumi eyaira. Akaba ali musaija murungi, ayalengereho nage goona ekukora Yahwe ebyagonza. Baitu abantu abandi ab’omu nsi baali nibakora ebibi. Nukwo Yahwe yagambiire Nuha ngu akaba Naija kuhwerekereza abantu abo ababi n’okusandara kw’amaizi. Akagambira Nuha ngu ayombeke eryato nukwo uwe hamu n’abo muka ye baleme kwitwa okusandara kw’Amaizi obu kwakwizire.—Okubanza 6:9-18.

Noha n’eka ye nibatwara ebisoro omu lyato baitu abantu nibanga kuhuliiriza okuhaburwa

Nuha n’abo muka ye bakombeka eryato. Nuha akahabura abantu ngu nihagenda okusandara Amaizi, baitu batamuhulirize. Bakeyongera kukora ebintu ebibi. Eryato obu lyahoire kwombekwa, Nuha akatahya ebisoro mu lyato, uwe n’abo muka ye batahamu. Yahwe akaleta ihunga ly’amani. Enjura ekagwera ebiro 40 nyamusana n’ekiro. Amaizi gakasandara mu nsi yoona.—Okubanza 7:7-12.

Abantu ababi bakaferwa obwomezi, bwabu baitu Nuha n’amaka ge bakakira. Yahwe akabakiza okusandara kw’Amaizi yabatahya mu nsi eyekaba ihirwemu obubi bwona. (Okubanza 7:22, 23) Baibuli n’egamba ngu obwire obundi nibwija kwijja Yahwe obwaligarukira kuhwerekereza abantu abangire kukora ebihikire. Abantu abarungi tibalihwerekerezebwa. Balyomera ebiro byoona omu Rugonjo rwa Ruhanga ha nsi.—2 Petero 2:5, 6, 9.

Hati abantu baingi nibakora ebintu bibi. Ensi ijwirwemu emihito. Yahwe asindika Bakaiso be buli kaire okuhabura abantu, baitu abantu tibakugonza kuhuliriza ekigambo kya Yahwe. Tibarukugonza kuhinduraho engeso zabo. Tibarukwikiriza Ruhanga eky’agamba ngu kihikire rundi kisobere. Kiki ekirihika ha bantu banu? Balihinduraho ha ngeso zabo kiro kimu? Baingi tibalisobora kuhinduraho. Obwire nibwija obu ababi boona balihwerekerezebwa kandi tibarigaruka kuba bomezi.—Zabuli 92:7.

Ensi terukugenda kuhwerekerezebwa kuleka nija kuforwa; rugonjo rwa Ruhanga. Abo abafooka banywani ba Ruhanga nibo balyomera ebiro byoona omu Rugonjo rwe ha nsi.—Zabuli 37:29.