Semere’rwa Obwomezi Ha Nsi Ebiro Byona!
Akatabu kanu kahandikirwe nukwo kakukonyere okumanya ayahangire ensi nebintu byona ebigirumu. Noija kumanya ngu, Ruhanga ayakozere ensi ayina ibara. Omunda nituija kukusobo’ra ekigende’rwa kya Ruhanga, okuhanga omuntu kandi nkokwosobora kusemere’rwa obwomezi ha nsi ebiro byona.
Nitunihira nti ebisisani binu bingi birayongera okukwetegeresesa kurungi ebintu binu. Okutunga omugaso ogurukukira obukoto, kikusemerire osome ebyahandikirwe kuruga omu Baibuli ebiri hambaju zebisisani ebikukira obwingi. Mumulingo nka gunu noija kwesomera wenka ebimu ha birungi ebyaraganizibwe Ruhanga ebisangwa omu Baibuli kandi nebya Ruhanga akuragira obikole nukwo ohabwe okuhikiriza kwemirago.
Bworaba ogondeze nosobora kukozesa akatabu kanu okukonyera abantu bandi. Bworaba oyina abana, oyina obugabe kukakozesa kabakonyere okumanya ebya Ruhanga. Bworaba noikara mu nsi nambere abantu baingi bali abatamanyire kusoma, nosobora kukozesa ebisisani kubakonyera bamanye entegeka ya Ruhanga nukwo nabo bakonyere abatahi babu.
Tunyina okunihira nomutima gumu nti okurugiira mu kusoma ebiri mu katabu kanu oija kukingu’rwaho omuhanda ogwo kutunga emigisa mingi, kandi nokwoleka abandi nkokubarasobora okwikara ha nsi ebiro nebiro.